Lucas 7:16 - NandevaBiblia

¹⁶ Heshama reta kovarã, opa kyje reta hãrã õmombaishu reta Tũpa, hei jyre: Pente Tũpa ĩñee mbeu'ia mbaikatuva puã ñanymbytepe. Heijy reta: Tũpa ou mbory henta ĩrũre.

Lucas 7:16 Iomraidhean Croise

Mateo 15:31

Opavare mbyrymaĩ hesha mãrãra ña'enguvare ijetajy, japava vatajy kavi hareka heshajymba heshajy kũvaãĩpi, õñepyrõ õmombaishu reta Tũpa Israel Ija.

Mateo 21:11

Hãrã Jesús oho hãndiare hei: Ko rãnga hai Tũpa ĩñee mbeu'ia Jesús, tenta Nazaretvi ouva, Galileape'õ.

Mateo 28:8

Haivi taupere ohojy tã'õvere kyje ryheve, ñaniavei jyraha mbeushu verãre mboireare.

Mateo 9:8

Kuaretare hesha kovarã kyje, hãrã õmombaishu Tũpa meẽshurã rehe mbaikatu kuaretare”.

Lucas 1:65

Opaite henta ĩrũre; hareka opa tenta Judea yvyturusu retaipi mbe'uha kova mbai ikova.

Lucas 1:68

Toñemombai vasu Ñandeja Israel ñu Tũpa, shara ou pohyshu hareka mondojepe verã henta ĩrũre.

Lucas 19:44

haivi opa nehũndi verã. Juka verã opaiteva iko'ipyare; hejããpondekui pente ita jyvohy'õva; shara rikuãã Tũpa outẽ nymondojepeva”.

Lucas 2:20

Avisha ñyngareko'iheare jyrahajy retarã, vy'akue ryheve õmombairã pyraheshu Tũpa, shara Tũpa jokueva mbeuva rãĩmi opa hesha hareka hendu reta.

Lucas 24:19

Jesús pyrãndushu reta: Mbaivara iko? Haire heishu: Jesús Nazareno ryheva, hai rãnga Tũpa ĩñee mbeu'ia, mbaikatupy japo'ia hareka ñeepy Tũpa hỹnonde hareka opaiteva henta'õre;

Lucas 5:26

Opaite mbyry mãi reta, hãrã õmombaivasu reta Tũpa, haivi kyje ryheve hei jyre: Ã'ẽ mbai haikaviteveva jahesha.

Lucas 5:8

Simón Pedro, heshama kovarã, iñesu Jesús hỹnonde hãrã heishu: Syry shyhevi, Sheja; she rãnga hai heko porãmba.

Lucas 7:15

Haipe kunumi mano vekua puarã õñepyrõ ijeta, haivi Jesús meẽjyshu ishy.

Lucas 7:39

Fariseo jurureshu vekua Jesús oho karu verã heshama hokavarã hei pyape: “Ko kuimbai ãñete hai Tũpa ĩñee mbeu'iarã, kuaatẽ verã mãrãva tauperã poko'ẽhe, taupe heko porãmba rãnga hai”.

Lucas 8:37

Haipe Gadarape'iare jurure jyreshu Jesús ohẽjy verã haivi, kyjeite jyrerã. Jesús jupi kanoa perã ohojy.

Lucas 9:19

Haire heishu: Ĩme'ẽ hei ndyreheva Juan Bautista; ynga heijy Elías, hãma ĩrũre heijy ndyrehe Tũpa ĩñee mbeu'ia arykaiva, kuerajy vekua.

Juan 1:21

Haipe pyrãndujyshu reta: Mbavara nde? Ndera hai Tũpa ĩñee mbeu'ia Elías? Juan hei: Ha'ẽã rãnga she. Hykuaĩ pyrãndujyshu reta: Akuarã, ndera hai Tũpa ĩñee mbeu'ia hãrõha'õva? Hai hei: Mba'ety.

Juan 1:25

Hãrã heishu reta: Akuarã, marã'ĩrãra rypyrỹmyngarai ha'ẽã nde Cristo, Elías, maĩrã Tũpa ĩñee mbeu'iarãme?

Juan 4:19

Hokava taupe hendurã heishu: Sheja, hainymbashe nde haiva Tũpa ĩñee mbeu'ia.

Juan 6:14

Kuaretare heshama Jesús mbaikavi heshaha verã japorã, hei reta: Ãñeteñoĩ rãnga kova hai Tũpa ĩñee mbeu'ia ou verã ko yvy'ĩãrẽ.

Juan 9:17

Hãrã pyrãndujyshu reta heshamba kũvãĩpi vekua: Hãmera nde mbaiva rere jyvehe kuimbai nymby heshakajy vekua? Hai hei: She haihe haiva Tũpa ĩñee mbeu'ia, Tũpa mbouva.

Hechos 5:5

Ananías kova hendumarã oa mano, hãrã hokava kuavare kyjeite reta.

Hechos 7:37

Moisés teiva heimbashu arykai Israelita ñymoñashiare: “Tũpa mboupokui tyvyre mbytepe pente ñimiñee'ia, she shymbouhava rãĩmi”.

Galatas 1:24

Hãrã õmombai vasu reta Tũpa shara Hai yngai japojy shykove.