Lucas 7:13 - NandevaBiblia

¹³ Ñandeja hesha taupe ime manoshia, parekoiterã heishu: Avy jaheo.

Lucas 7:13 Iomraidhean Croise

Marcos 8:2

Aparekonytẽ ko kuaretare, mbahapy arama'ẽ shendie, hareka mba'etyre reta hou verãre.

Lucas 10:1

Haivi Ñandeja pyhỹrõ 70 mondo verã momokue hỹnonderã, tentaipi, hareka opaite hai oho verãipi.

Lucas 11:1

Pente arape, Jesús oho ñymboi pente hendape. Opama ñymboirã mboirea penteva heishu: “Yreja, yrỹmboivehe marãrapo jurureha, Juan mboiva rãĩmi mboirea retape”.

Lucas 11:39

Tẽvã Ñandeja heishu: Pee fariseore ĩãrẽĩ pijohe yy ho'uhapya hareka yyare; tẽvã pyndypya tynyhẽ manarõse hareka piniñarõkue.

Lucas 12:42

Ñandeja heishu: Mbavara hai ñyngareko'ihea japumbaa kua kaviva hareka hekope kavi he'iashuva japova, kyrãva oo ija hejaposhu hoo ipe ñyngareko verã, hareka myngaru verãre jy'arape kavi?

Lucas 13:15

Ñandeja heishu: Pee tykove hova mokue'iare! Peera pijoraã kueĩpi punurũmba buey, maĩrã mbirika putu'uava jy'arape pyraha pymbyu verã?

Lucas 17:5

Apostolre heishu Ñandeja: Meẽve ore jyrojakue.

Lucas 17:6

Ñandeja heishu reta: Ajemaĩpo mostaza hãỹ rãĩmi mishĩĩ pirojakue, katupo pereshu ko yvyra: “Syry koivi, yyvasupe ekua iñotyjy”; hãma yvyra katupo japo pereshuva.

Lucas 18:6

Ñandeja heivejy: Pyhendu huvisha pirĩmbivachese'ia heko porãmba'ia heiva.

Lucas 19:8

Tẽvã Zakeo ñymboyrã, heishu Ñandeja: Ã'ẽ kope, Sheja, ambijaopo ĩme'arevare mbyteipi ameẽposhu pavete'iare, hareka ĩme'ẽ mbava ahekyreiishi vekuarã, urũndypo ĩãrẽve ameẽjyshukui.

Lucas 22:61

Hãma Jesús jererã maĩhe Pedro. Haivi Pedro manduahe Ñandeja heishu vekua: “Ndeiteri uru ñyrããrã, mbahapyjypo rerekui shykuamba”.

Lucas 24:3

iche reta, tẽvã heshãã Ñandeja Jesús hetekue.

Lucas 24:34

haire heishu reta: Ãñete ñoĩ rãnga hykovejymba Ñandeja, hareka Simón ijeshakambashuje.

Lucas 7:12

Vãhẽserima jyraha tentaperã hesha rahaha pente manova ñotyã verã, ime manoshia memby kuimbai koñeĩrea. Heta haipe henta ĩrũre mi'ĩrũshu ime manoshia.

Lucas 7:14

Jesús ñymbojaherã pokohe ta'õvẽ ẽpya; haipe rahavare opa ñymboy. Jesús heishu: Kunumi, She hai nde: Pu'ã!

Lucas 7:19

mondo Jesús ẽvãpe pyrãndushu verã, haira nde Cristo ou verã, maĩrã ĩmera'ẽjy ynga hãrõa verã?

Lucas 8:52

Opaite jaheo hareka mbasy ñynõihe reta kuñatãiray manorã. Tẽvã Jesús heishu reta: “Avy pijaheo. Ko kuñatãĩray manoã, ochei rãnga'ẽ”.

Juan 11:2

Hoka Maria, Lazaro hiindy, haimba oho mbipishe katushu vekua Ñandeja ipyre, hareka ñãkahaapy mitĩnijy.

Juan 11:3

Haipe hiindy mokue'iare he'ikashu reta Jesús: Yreja, ni'ĩrũ ryhaihuva Lazaro rãnga ñymbairasy'ẽ.

Juan 20:13

Hãrã Tũpa jokuevare pyrãndushu: Taupe, marã'ĩrãra rijaheori? Hai hei: Sheja rãnga rahaha, hãrã aikuãã mãĩpira ñonoha.

Juan 20:15

Haipe Jesús pyrãndushu: Taupe, marã'ĩrãra rijaheori? Mbavara ryheka? Maria mõãte kuimbai yvoty ñyngareko'ihearã, heishu: Sheja, nde ryraharã mbeushe mãĩpira ryheja, ahajypo aru.

Juan 4:1

Fariseore kuaa Jesús mbyhetave hai mboireare hareka hetave pyrỹmyngarai Juan Bautistaivi.

Juan 6:23

Tẽvã ĩme'ẽjy yngava kanoare vãhẽ ouva tenta Tiberiaivi, pãhã hou jyre vekuape hyvache hareka Ñandeja ñymboi ĩãrẽrã.

1 Corintios 7:30

hãma jaheo'õre, tiko vya'ia rãĩmi; vya'iare, tiko vyamba'ia rãĩmi; mbai ova'iare, tiko mbaimba ĩmereva rãĩmi.

1 Tesalonicenses 4:13

Shyryvyre, potãã rãnga pypyta pikuambape mbaivara ikoshi manovare, mahẽ pyvy'ãã jyve, mbaimba hãrõ'õre rãĩmi.

Hebreos 2:17

Hãrã Jesús tyvyre ikova rãĩmirãnipo iko reta, ikoshi verãkui Tũpa hỹnonde Pai ruvisha jyrojahaheva hareka pyryparekova, hareka opa hejahareiishi verã kuaretare heko porãmba vekua, hai mano rupii.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.