Lucas 6:8 - NandevaBiblia

⁸ Jesús opa kuaa haire pyape hei ñynoĩva, hãrã heishu kuimbai ipo japavape: Puã, ñymboy kuaretare mbytepe. Hãrã kuimbai puã ñymboy.

Lucas 6:8 Iomraidhean Croise

Mateo 9:4

Jesús kuaa mbaivara heijyre pyaperã, heishu reta: Marã'ĩrãra porã'ãĩte pypya pimbijeta?

Marcos 3:3

Hãrã Jesús heishu kuimbai ipo vỹrãkuava: Pũ'ã, ñymbou mbytepe.

Lucas 13:12

Jesús heshamarã, hẽno hareka heishu: “Taupe, poima ndyhevi nymbairasykue”.

Lucas 5:22

Tẽvã Jesús opaĩ kua ẽẽ haire pyape hei õrã pyrãndushu reta: Marã'irãra kyrã pypya pimbijetapi?

Lucas 6:9

Haipe Jesús heishu ĩrũre: Apyrãndupo pee pente mbai: Mbaivara katu jajapo putu'uava jy'arape: Haikaviva? Maĩrã porãmbavara? Ñapyrỹmynguera? Maĩrã japuruka?

Juan 2:25

Ikotẽvẽã mbe'uashu verã marãvã kuaretara, shara hai opamba kuaa kuaretare pyape'õ.

Juan 21:17

Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.

Juan 9:4

Kõĩ terirã ajapo ñõĩpo shymbou vekua potava; shara vãhẽpo pỹntu verãpe, hãrã mbaveamapo mba'apo.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Hechos 26:26

Mburuvisha Agripa rãnga kuaakavi jyve kova mbai, hãme akyjeã aijeta hỹnonde. Aikua kavi jyve hai opa kuaava kova mbai shara ha'ẽã ñemiape japoha vekua.

Filipenses 1:28

Hareka avy pykyjeshi ñymbyvaisho'i pyndyrehevare, hai reta rãnga ijyhesha kavihe opa verã kyty jyraha jyrerã, tẽvã pee pevarã hai heshakava ñymondojepeva ryheva, hokava ou Tũpaivi.

Hebreos 4:13

Hãrã mba'ety Tũpa japo vekua kañyshi verã; shara Tũpa opa kavipo hesha hareka mbava hỹnonderãpo opa ñambeukui jajapo vekuare.

1 Pedro 4:1

Cristo rãnga hasa'asy ñandyrehe hetepe, hãrã kyrãĩpo peĩ kavi jyve pyhasa'asy verã; shara hetepe hasa'asy vekua, mby'opa mbai porãmba vekuare,

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.