Lucas 6:45 - NandevaBiblia

⁴⁵ Hãrã kuimbai pya kaviva, mbaikavivãi hei, shara haikavivãi pyape ẽ; hãrã kuimbai heko porãmba katy, mbai porãmbavãi hei, shara porãmbavãi pyape ẽ. Hãrã ñandy pyape tynyhẽva jaijeta ñandi juruipi.

Lucas 6:45 Iomraidhean Croise

Juan 7:38

Jyroja shyreheva, Mbyparahava heiva rãĩmi, pyaivivepo syry'ẽkui yy meẽva tykove.

Hechos 5:3

Hãma Pedro heishu: Ananías, marã'ĩrãra Satanas iche ndypyape ndapushu verã Espiritu Santo hãrã rỹmanãrõhe verã ndy'yvy hepykueivi?

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Efesios 4:29

Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.

Efesios 5:19

Pijeta ijupiirã pipory ñee ouva Salmovi, hareka heta mbyrahe Espiritu Santoivi ouva pyraheva tũpaope.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Colosenses 4:6

Pijeta kaviñoĩpo hareka pyrymbyhorypo, pikuaa kavi verã marãrapo pymbyhovaishu reta.

Hebreos 8:10

Hokava ara hasamarã, kova ñee me'ẽãva ajapo hãndi verã Israelvare, kyrãpokui, hei Teja: Shiñee mbyparahava ãñonopokui ñakapy hareka ambyparapokui pya retape. She ãĩposhukui ñu Tũparã hareka hai retapokui shyrẽta ĩrũre.

Judas 1:15

ou jahehe verã opaiteva hareka jyvarehe verã mbai porãmba japo'iare, hareka opaite Ñandeja ijeta porãmba'iheare”.