Lucas 6:42 - NandevaBiblia

⁴² Mãrãrapo rereshu ndyryvy: “Shyryvy, tanohẽ ndyhevi yvyra ku'i ndyresape'õ”, nde jyve ryheshambarẽiva yvyra mãrẽỹva ndyresape'õ? Tykove hova mokue'ia! Nohẽ rãni yvyra mãrẽỹva ndy resapy õ, haiperã katu ryhesha kavi rynohẽ verã yvyra ku'i ndy ryvy hesape õ.

Lucas 6:42 Iomraidhean Croise

Mateo 26:75

Haipe Pedro mãnduahe Jesús heishu vekua rãĩmi, “Ndei uru ñyrãrã mbahapyjypo shiñomikui”. Pedro õhẽ katuaperã jaheote'i, shara mbasyiterã.

Mateo 7:3

Marã'ĩrãra rỹmaĩrihe yvyraku'i ndyryvy hesape'õ, yvyra marẽyva ndyresape'õra ryheshããjy?

Mateo 7:4

Marãrapo rereshu ndyryvy: “Taheky ndyhevi yvyra ku'i ndyresape'õ”, ndeave ryrekova yvyra marẽyva ndyresape?

Lucas 13:15

Ñandeja heishu: Pee tykove hova mokue'iare! Peera pijoraã kueĩpi punurũmba buey, maĩrã mbirika putu'uava jy'arape pyraha pymbyu verã?

Lucas 22:32

Tẽvã airureshuje Tũpa, potãã nykangy rirojakueperã. Hãrã opama hasa mbai pohyvarã, mykyrẽyjyshukui ni'ĩrũre jyrojanõĩ shyrehe verãre.

Lucas 6:41

Mãrã'irãra rỹmãihe yvyra ku'i ndyryvy hesape'õ, hãma rỹmã'ẽãhe yvyra mãrããvara ẽẽ ndyresape?

Lucas 6:43

Mba'ety yvyra haikaviva'ia porãmba, hareka mba'ety yvyra porãmba'ia kaviva.

Hechos 13:10

heishu: Nde tykove japu heko porãmba Ãña tay hareka mbai kaviva ñymbyvaisho'ihea, mbaipera rypoipo rĩmbivavy Ñandeja hape symỹi kaviva?

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 8:21

Nde mba'ẽã ĩmeryrende kovape, shara ndypya symyĩã Tũpa hỹnonde.

Romano 2:1

Hãme rãnga mba'etyma rere ndijehe verã, jaishu ĩmerãẽva nde rĩmbivachekariva. Kyrã rijaporã ndeiima rĩñimbijichekari, shara haire rãĩmi rijapo jyve maĩnunga.

2 Corintios 5:18

Opaite kova mbai ou Tũpaivi, ñaniñonojy kavi hãndi opavare, hareka ñandokue opava retape ñañono kavijy hãndi verã.

2 Timoteo 2:21

Hãma ĩme'ẽ ñymyngyamba'õrã, ikoposhi pente timbipory haikavivapeĩ poryhava, tykove mbijicheava Ñandeja pevarã hareka Hai porypo japo verã heta mbai haikavi.

2 Pedro 1:9

Shara kova mba'etyreva hãĩ heshamba kuvãĩpia maĩrã hesha kavimbaa. Hãĩ sareshiva mbai porãmbare kurimba vekua hejahareishuva.