Lucas 6:30 - NandevaBiblia

³⁰ Ĩme'ẽ jurure ndevarã meẽshu; hareka na ãpoa heky rei ndyhevia avy jurure jyshu meẽjy nde verã.

Lucas 6:30 Iomraidhean Croise

Mateo 18:35

Hãrã Jesús hei: Kyrã jyve Sheru arapy'õ japopo pyndyrehe pepenteĩ, pãtẽỹ pyhejareiishi pyndypyaivive papisharã.

Mateo 5:39

Tẽvã she hai pee: Avy pymbyhekoviajyshu mbai porãmba japo pyndyreheva; ĩme'ẽ ndyrovaipi nupavarã, meẽjyshu ndyrova hyvaisho.

Mateo 6:12

Hejareii yryhevi mbai porãmba vekua, ore hejareiishia rãĩmi japo porãmba'i yryreheare.

Lucas 11:41

Hãma pymeẽ pã'ãpova mba'etyrea retape, hãrã ky'ãpo'ẽkui pyndypya.

Lucas 12:33

Pevende opaite ĩmepyreva, hãrã pymeẽ mãĩnũnga mba'etyreape; peñehããhẽ vosa soro mbava, jaishu, mbai hetava ara vate'õpe, manarõ'ia ichemba verãpe, hareka kupii houmba verãpe.

Lucas 18:22

Jesús hendu hokavarã heishu: Pente mbai, mba'etyteri nde; opa evende ĩmeryreare haivi hepykue memeẽshu pavete'iare, hãmerãpo ripitykui rikokatu verãpe vate arapy. Haivi ei shimĩ'ĩrũ.

Lucas 6:29

Hãmã ĩme'ẽ ndy rova hyvaishoipi nupavarã meẽjyshu ndyrova hyvaisho. Ĩme'ẽ rỹmondeva ĩãrẽ'õ heky ndyhevivarã, mã'ẽihe tyrahajy ĩrũ rỹmondeva.

Lucas 6:31

Opavare pipota japo pyndy reheva rãĩmi, kyrã pijapo jyve opava retare.

Lucas 6:38

Pymeẽ, hãrã Tũpa meẽpojy pee. Meepo pee jyvosape hekope kavi, jopya kaviva, makãtãhã kavipya hareka tynyhẽ'õ. Pee pymeẽva rãĩmi papishape, kyrãipo Tũpa meẽjyvepe.

Hechos 20:35

Haiñoĩ apyrỹmboihe marãrapo pymba'apo hareka ikotẽvẽva pymbory verã, ñanymanduahe Ñandeja Jesús hei vekuarã: “Me'ẽã ñandevaivi javyave, mbai ñameẽrã”.

2 Corintios 8:9

Pee rãnga pikuaama Ñandeja Jesucristo, marãra pya kavi, pyndyraihuiterã hai ikokatutẽva paveteva rãĩmi ou iko'i, hai pavetekuepe pikokatu verã.

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.