24 Tengapope piko katuva, ã'ẽvaĩ pyvya peĩva!
Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.
Hãrã rymbory ikotẽvẽvarã, avy mbeu'i oparupi. Japosea rãĩmi hova mokue'iare Judiore ñymbatyseape hareka vataha'õ retaipi; haire kyrã japo ijetaha kavihe verãre. She haima pee kyrã haire opama mbyhekoviashu reta.
Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.
Tengapope ã'ẽ pynyvãta pẽiva, pimbahypo pikui! Tengapope ã'ẽ pupuka pẽiva, vãhẽ pokui ara pijaheo verã!
Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.
Pee rãnga pijapo mbaimbava rãĩmi pavete'iare. Ha'eãra iko katuvare pynymymba'apokarei'iva hareka pyndyraha'ia huvishare hỹnonde?
