Lucas 6:21 - NandevaBiblia

²¹ Pyvy'apo pee ã'ẽ pinimbahyva, pee pynyvãtahe verã rehe. Pyvy'apo pee ã'ẽ pijaheova, pee pupuka verã rehe.

Lucas 6:21 Iomraidhean Croise

Mateo 5:4

Vy'apo reta ã'ẽ vyamba'iare, shara Tũpa meẽposhu mbypya kavi verã.

Mateo 5:6

Vy'apo opaite ñymbahy'iare hareka hekope ju'uheva, haipo meẽshu reta Tũpa potava.

Lucas 1:53

Hãrã ñymbahyvape meẽ mbaikaviva, hãrã iko katuvare iporãĩ mondojy.

Lucas 6:20

Jesús mãihe mboireare retarã, heishu: Pyvy'apo pee pyndypaveteva, shara pa'ãpova hai Tũpa ẽvãpe'õ ryheva.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Lucas 6:25

Tengapope ã'ẽ pynyvãta pẽiva, pimbahypo pikui! Tengapope ã'ẽ pupuka pẽiva, vãhẽ pokui ara pijaheo verã!

Juan 11:35

Haipe Jesús jaheo.

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Juan 6:35

Jesús heishu reta: She hai pãhã meẽva tykove. Hãma shyrẽndape ouva ñymbahyveamapokui; hareka jyroja shyreheva haiveama ju'uhe verã.

1 Corintios 4:11

Ã'ẽpeve opa irĩmbahyha, uru'uhe mba'etyvãĩjy mondeha verã, ũrũnupãhã hareka yreroãseve;

2 Corintios 11:27

heta porãã ahasa amba'aporã hareka shykangyrã, ache kavimbape, ñymbahy hareka uhe, akarumbape, ro'ype hareka mba'ety ãmondevape;

2 Corintios 12:10

Hareka she avy'a shypyrãtamba vekuape, opa mbai he'ihasheape, mbai mba'etysheape, pu'ã shyrehevape hareka opa mbai jyhasa'asy ahasa Cristo rehe. Shara shykangyvape ãñandu shypyrãtave.

2 Corintios 6:10

Vyamba rãĩmi mba'apoha, tẽvã vy'ahañoĩ; paveteva rãĩmi, tẽvã hetavape mbi'ikoa katu; mbaimba ĩmerekoava rãĩmi, tẽvã opa ĩme rekoha.

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

Apocalipsis 21:3

Ahendu vapyhasepyaivi õhẽ pente hỹnatu heiva: “Kope ĩme'ẽ Tũpa ñytavernáculo kuaretare mbytepe ẽva. Ikopo hãndi reta, hai retapo henta'ĩrũre hareka Tũpateipo ẽẽ hãndi retakui Ñu Tũparã.

Apocalipsis 7:16

Ñymbahyveãmapo hareka ju'uheveãmapo reta, haire kuarasy hapyveãmapo hareka iko'asyveãmapo reta hakukueivi.