Lucas 5:35 - NandevaBiblia

³⁵ Tẽvã vãhe pokui ara temerã rahahajyshi verãre, hãmerãpo hoka arape karumbape ñynoĩkui.

Lucas 5:35 Iomraidhean Croise

Mateo 9:15

Jesús heishu reta: Pimoãrapo omendaha'õpe ĩme'õre vy'ãã ñynoĩ, temerã ẽẽteri hãndi retarã? Tẽvã, vãhẽpokui ara ẽẽveama ñynoĩ hãndi verã; haiperãmapo karumbape ñynoĩkui.

Marcos 2:20

Tẽvã, vãhẽpokui ara hoka temerã hekyashi verãre, haiperãpo karuã ñynoĩkui.

Lucas 17:22

Haivi Jesús heishu mboireare: Vãhẽpokui ara pota pyheshajy verã pente arape Kuareta Tay, tẽvã pyheshãpo.

Lucas 5:34

Jesús heishu reta: Katurapo pee pymyngaruã henohakavare omendava ẽvape, temerã imeteri ñynoĩ hãndirã?

Lucas 5:36

Jesús heijyshu reta kova ñee ñymyhã'ãnga: Mba'ety chĩchiva pente mondeava py'ahuva pyseve mbojahe verã mondeava tujava. Kyrã japorã myporãã mondeava py'ahuva; hareka py'ahuva porãã'ẽẽjy tuja vekuare.

Juan 12:8

Kuareta pavetevare opa ara ñõĩpo piko hãndi, tẽvã she opa arããpo aiko pynypãũpe.

Juan 13:33

Shyrayre, kỹvẽãmapo ãĩme'ãĩ pynymbytepe, shyrekapopikui, hãrã Judiore haishua rãĩmi ã'ẽ haijyvepe: Aha verãpe katuãpo peho.

Juan 16:28

She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Hechos 1:9

Hokava opama heirã Jesús, mãĩ ñynoĩheapypeĩ hupiha vate arapy, haipe ãvãpyntu opa jasoirã hãrã heshaveã reta.

Hechos 14:23

Ñono jyve reta pepenteĩ kuakuavare ñyngareko verãre tũpaope, haivi opa jurure hareka karumbape ñynoirã hejashu reta Ñandeja ipope, haire jyroja jyvehe.

Hechos 3:21

Tẽvã ã'ẽ Jesucristo pytateri'ẽ vate, opa mbai ñonoha kavipeve. Opa mbai heiva, Tũpa ĩñee mbeu'ia kyambava, arykaivare ikoterivape.

1 Corintios 7:5

Hãma avypo pere pijupe potamba pypoko ijeheva. Tẽvã mokue ryhevepo piñiñono pente ñeepe, pypokombajy ijehe verã, mbovy ara pimboi verã. Hãma haivi katu pikojy ijupi, mahẽ Satanás pypya hããkui pijyjokoarã hareka pindirityjykui mbai porãmbape.

2 Corintios 11:27

heta porãã ahasa amba'aporã hareka shykangyrã, ache kavimbape, ñymbahy hareka uhe, akarumbape, ro'ype hareka mba'ety ãmondevape;