Lucas 5:24 - NandevaBiblia

²⁴ Aheshakapo pee kuareta Tay, ime'are mbaikatu ko yvy'iãre, hejareii verã mbai porãmba. Haivi Jesús heishu kuimbai vatamba: Pũ'ã, hupi ndurupa hareka ekuajy nyrẽtape.

Lucas 5:24 Iomraidhean Croise

Mateo 16:13

Jesús oho tenta Cesarea Filipope, haipe õi terirã mboireare pyrãndushu reta: Mbaivara kuaretare hei shyrehe, kuareta Tay?

Mateo 25:31

Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.

Mateo 26:64

Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Mateo 4:24

Jesús kuaaha opa Siriaipi. Hãrã veruashu opaite marãrãgãtu ñymbairasy vekuare, mbaiposhy ĩmereare, kuakuamba'ia hareka vatamba vekuare. Jesús opaite mynguerashu reta.

Mateo 9:6

Aheshakapo pee, kuareta Tay ĩmere mbaikatu hejareii pyndyhevi verã mbai porãmba pijapova ko yvy'ĩãrẽ. Haipe heishu kuimbai vatamba'ia: “Pũ'ã, mupuã ndurupa, ekuajy nyrẽntape.

Lucas 5:13

Haipema, Jesús ipo mondoshurã, pokohe, hãrã hei: Aipota rãnga! Arỹmynguera! Hokava opa heirã kuru porãmbava opa kañyshi.

Lucas 5:18

Haivi õhe ou kuimbaire veruva hupa ryheve pente kuimbai vatamba, hãrã õñehãtẽ minjejyre oo'ipe, ñono hỹnonde verãre Jesús.

Lucas 5:23

Mbaivara javaiã jai: “Mbai porãmba rijapo vekua hejareima ndyhevi”, maĩrã “Puã, vata”?

Lucas 7:14

Jesús ñymbojaherã pokohe ta'õvẽ ẽpya; haipe rahavare opa ñymboy. Jesús heishu: Kunumi, She hai nde: Pu'ã!

Lucas 8:54

Jesús pysy ipoperã, hỹnatu ijetashurã hei: “Kuiñatãi ray, pu ã!”

Juan 11:43

Opama kova heirã hỹnatu sapuke: Lazaro, ẽhẽ katuape!

Juan 17:2

Nde rãnga opa rĩñono kuaretare Ndyray ipope, meẽshu verã tykove opambava opaite jyrojaheare, hareka rymeẽshu vekuare.

Juan 3:13

Mba'ety jupiva vate arapy, haivi vejy vekuãĩ rãnga; jaishu kuareta Tay.

Juan 5:27

Hãrã Tũpa meẽshu mbaikatu jahe pyryrehe verã, shara hai kuareta Tay.

Hechos 14:10

Haipe Pablo hỹnatu ijetarã heishu: Pu'ã hareka ñymbo'y! Ko kuimbai opotei puãrã ñymboy hãrã õñepyrõ vatajy.

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

Hechos 9:34

Pedro heishu: Eneas, Jesucristo nymynguera. Pũ'ã hareka ñono kavi ndurupa. Eneas haiperaveĩ pũã.

Hechos 9:40

Pedro heishu kuaretare opa õhẽ verãre katoape. Haivi ĩñesu hareka ñymboi. Haivi mãi mano vekuarerã hei: Tabita, pũ'ã! Hai sarekorã hareka heshamã Pedrorã, vapy.

Apocalipsis 1:13

Hareka hoka 7 tataĩndy hyru mbytepe ahesha kuareta Tay ovava, ñimimondeva mondeava pukuvapy ipypeve vãhẽva hãrã pente ku'a jokuahaka ita vera ijuva pitiare.