Lucas 5:22 - NandevaBiblia

²² Tẽvã Jesús opaĩ kua ẽẽ haire pyape hei õrã pyrãndushu reta: Marã'irãra kyrã pypya pimbijetapi?

Lucas 5:22 Iomraidhean Croise

Mateo 12:15

Jesús kuama pota juka jyreshurã õhẽ haivi, hareka heta ohova haykue. Hãrã Jesús opaĩ mynguera hasyvare,

Mateo 12:25

Jesús kuaa haire heiñynoi pyaperã heishu reta: Opaite tenta vasure ñimbijaova oñehundipo. Ĩmerãẽa tenta hareka henta ijupi ñyrãrõrã, oñehundipo jyve.

Mateo 9:4

Jesús kuaa mbaivara heijyre pyaperã, heishu reta: Marã'ĩrãra porã'ãĩte pypya pimbijeta?

Marcos 8:17

Jesús kuaaravĩĩ marãra ijeta ñynoĩrã heishu reta: Marã'ĩrãra pere pãhã mba'ety pyreva? Pikuaa'ãĩteirateri? Pyndypya tãtãiteirateri?

Lucas 24:38

Tẽvã Jesús heishu reta: Marã'ĩrãra opa pykyje? Marã'ĩrãra kyrã pimoã pyndypyape?

Lucas 5:21

Hãrã Moisés mbypara vekua pyrỹmboi'iheare hareka fariseore pyapei hei jyre: “Mbavarajy ko Tũpare ijeta porãmba'ia? Mbavara katu hejareii mbai porãmba vekua? Koñẽĩi ranga'ẽ Tũpa”.

Lucas 5:23

Mbaivara javaiã jai: “Mbai porãmba rijapo vekua hejareima ndyhevi”, maĩrã “Puã, vata”?

Hechos 5:3

Hãma Pedro heishu: Ananías, marã'ĩrãra Satanas iche ndypyape ndapushu verã Espiritu Santo hãrã rỹmanãrõhe verã ndy'yvy hepykueivi?

Hebreos 4:12

Tũpa ĩñee hai tykove hareka mbaikatu, kyse pukuva hãĩmbeveva hareka kype icheva ñandypyape hareka espiritupe, haipe ñonokaviva typya hareka typya potava, hareka hokava potakue haira haikavivare maĩrã porãmbare.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.