Lucas 3:7 - NandevaBiblia

⁷ Hãrã heishu hetavare ou ñymyngaraikashu verãre: Mboi ñymoña hãndiare! Mbavara hei pee pĩvãheshi verã ñunũpa vasu oumã'ẽverã?

Lucas 3:7 Iomraidhean Croise

Mateo 12:34

Pee mboi rayre! Mãrãrapo haikaviva pere, pee pyndyreko porãmbava. Ñandypyape jarekova, ñahenduka ñandijuruivi.

Mateo 23:33

Pee mboi rayre! Marãrapo peho jepeshikui ñunũpa tata vasuivi?

Mateo 3:6

Opama ñymbeu reta mbai porãmba japo vekuaivirã, Juan myngaraishu reta yy syryva Jordanpe.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Hechos 13:10

heishu: Nde tykove japu heko porãmba Ãña tay hareka mbai kaviva ñymbyvaisho'ihea, mbaipera rypoipo rĩmbivavy Ñandeja hape symỹi kaviva?

1 Tesalonicenses 1:10

hareka pyhãrõ vate araivi Tay Jesús, hai Tũpa mupuãjy vekua manovare mbyteivi, Jesús hai ñanymondojepeshi vekua jaheha pyryreheva jy'ara ou verãivi.

Hebreos 6:18

Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.