Lucas 3:11 - NandevaBiblia

¹¹ Hãma Juan heishu reta: Mondeava mõkuerea tymeẽjyveshu pente mba'etyrea; hareka kyrãi tijapo jyve hou verã imẽrea.

Lucas 3:11 Iomraidhean Croise

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Lucas 11:41

Hãma pymeẽ pã'ãpova mba'etyrea retape, hãrã ky'ãpo'ẽkui pyndypya.

Lucas 18:22

Jesús hendu hokavarã heishu: Pente mbai, mba'etyteri nde; opa evende ĩmeryreare haivi hepykue memeẽshu pavete'iare, hãmerãpo ripitykui rikokatu verãpe vate arapy. Haivi ei shimĩ'ĩrũ.

Lucas 19:8

Tẽvã Zakeo ñymboyrã, heishu Ñandeja: Ã'ẽ kope, Sheja, ambijaopo ĩme'arevare mbyteipi ameẽposhu pavete'iare, hareka ĩme'ẽ mbava ahekyreiishi vekuarã, urũndypo ĩãrẽve ameẽjyshukui.

Juan 13:29

Judas rãngamba kyrypoti hyru ñyngareko'ihea, hãrã ĩme'ẽ mõãte Jesús heishua oho ova verã mba'etyshuare Pascua pevarã, maĩrã, mẽmeẽshu verã maĩnunga pavetevare.

Hechos 10:2

Kornelio hareka hĩjapore hãndi haihuva hareka kyje Tũpaivi. Heta Judiore paveteva mbory hareka ñymboiñy'iva Ñanderupe.

Hechos 10:31

Hãrã heishe: “Kornelio, Tũpa henduma rirureshuva hareka opama hesha rijapova, pavetevare rymboryshurã.

Hechos 10:4

Kornelio haipe mãĩ'ẽhe Tũpa jokuevarã kyje ryheve pyrãndushu: Mbaivara ripota, Sheja? Tũpa jokueva heishu: “Tũpa hendu rirureshuva hareka vy'aite'i rijapovare, pavetevare rymboryshurã.

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

1 Timoteo 6:18

Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

Santiago 1:27

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.

Santiago 2:14

Shyryvyre, mbaivapera haikaviposhu ĩme'ẽ heiva jyrojakaviva tẽvã mbai haikavivaimbatẽ japova? Katura hokava jyrojakue mondojepe?

1 Juan 3:17

Ĩme'ẽ ikokatuva hesha tyvy mbai mba'etyrearã, mba'ẽã meẽshurã, marãrapo Tũpa jyhaihukue ẽẽ pyape?

1 Juan 4:20

Ĩme'ẽ heiva: “She ahaihu Tũpa”, tẽvã tyvy Cristo jyrojahea heshatããrã, japureii'i. Shara tyvy Cristo jyrojahea heshareva heshatããrã, marãrapo Tũpapeĩ haihujy heshamba'õ?