Lucas 24:6 - NandevaBiblia

⁶ Mba'ety kope, kuerajyma! Pymanduahe heipe vekua, Galileape teri'irã;

Lucas 24:6 Iomraidhean Croise

Mateo 12:40

Jonas ẽvã rãĩmi mbahapy ara hareka pỹntu, pira vasu hyeperã kyrã jyve, kuareta Tay pytapo mbahapy ara hareka pỹtu, yvy'ipy.

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Mateo 27:63

Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Mateo 28:6

Mba'ety kope, kuerajy hai heiva rãĩmi. Pei pymãihe ñonoa vekuape.

Marcos 16:6

Hai heishu reta: Avy pykyje, pee rãnga pyhekapi Jesús Nazareno, kurusure mbysavava vekua. Kuerajyma rãnga! Mba'etyma kope. Pymãĩ ñonoã vekuape, mba'etyma haipe.

Marcos 8:31

Jesús õñepyrõ mbeushu mboireare hai kuareta Tay hasa'asyñoĩ verã, heshatambaa verã Judio juhuvishare, pai ruvishare hareka Moisés mbypara vekua pyrỹmboi'iheare. Heijyshu reta hai jukaha verã, tẽvã kuerajypo mbahapy arape.

Lucas 24:34

haire heishu reta: Ãñete ñoĩ rãnga hykovejymba Ñandeja, hareka Simón ijeshakambashuje.

Lucas 24:5

kyjeite retarã opa ĩñesu reta, tẽvã haire heishu: Marã'ĩrãra pyhekapi manovare mbytepe hykovejya?

Lucas 9:22

Hãrã heishu reta: “Kuareta Tay hetapo hasa'asykui”, mbijicheposhu karai kuakuavare, pai ruvishare hareka Moisés mbypara vekua pyrỹmboi'iheare. Hãma jukapo retakui, tẽvã mbahapy arapepo kuerajykui.

Lucas 9:44

“Pyhendu kavi kova hareka avy pyndysarehekui; kuareta Tay mẽ'ẽhapokui kuaretare ipope”.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.

2 Tesalonicenses 2:5

Pynymanduahekui aijetamahepeva kova ryheva ãĩteri penendierã.