Lucas 24:39 - NandevaBiblia

³⁹ Pymaĩ shepo hareka shepyre, sheñoĩ rãnga. Pypoko shyrehe hãrã shyreshapiko, espiritu rãnga ha'eã hai tyroo hareka kãvẽã pyheshava rãĩmi she arekova.

Lucas 24:39 Iomraidhean Croise

Lucas 23:46

Haipe Jesús hỹnatu sapukerã hei: “Sheru, shykove ndepope ãñono”. Kyrãma heirã, mano.

Lucas 24:38

Tẽvã Jesús heishu reta: Marã'ĩrãra opa pykyje? Marã'ĩrãra kyrã pimoã pyndypyape?

Lucas 24:40

Hoka opa heirã, mbyheshaka reta ipo hareka ipy.

Juan 20:20

Haipe mbyheshaka reta ipo hareka jiche kutua vekuape. Hãrã mboireare heshajyma Ñandeja Jesucristorã vy'aite jyre.

Juan 20:25

Haivi mbo'eharea ĩrũre heishu Tomas: Ore heshahaje Ñandeja! Tẽvã Tomas hei: Aheshãã koravo kuarekue iporerã, hareka aminjeã shepo kuarekueperã, hareka aminjeã shepo jiche kutuha vekuaperã, arojãã'ãĩteipo.

Juan 20:27

Jesús heishu Tomas: Minje ndepo inti kope koravo kuarekuepe, hãrã mãĩ shepore, hareka minje ndepo shiche kutuha vekuape. Ỹteñomapo mbai ryrojãã iko, ryroja rãngapo!

Hechos 1:3

Manorã hareka kuerajymarã, Jesús ijeshakajyshu reta, heshaka kavi verã hai kuerajymava manovare mbyteivi, 40 ara kavi ikojy hãndi reta, ijetaheshu reta Tũpa vapyape ryheva ara vate'õpe.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

Hebreos 12:9

Hareka jyve ñanderure ko yvy'ĩãrẽ ñanunupamba jyve ñanyndeiterirã, hareka jajapombashu heivare. Marã'ĩrãra Tũpa heiva jajapoãpo jyveshu, ñane'ãkue Tuu, ĩmejare verã tykove opambava?

1 Juan 1:1

Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.