Lucas 23:34 - NandevaBiblia

³⁴ Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

Lucas 23:34 Iomraidhean Croise

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Mateo 11:26

Opaite Sheru, shara kyrã nde ripota ikorã”.

Mateo 5:44

Tẽvã she hai pee: Pyhaihu pyndyreshatamba'iare, pimboihe piniñono porãmba'iare;

Marcos 15:24

Hãma mbysavavama reta kurusurerã, haipe syndarore mbijao reta jasoi vekua jyvare ñynoiheape, kuaa verãre mbavarapo raha Jesús monde vekua.

Lucas 22:42

hei: Sheru, nde ripotarã, mbyhasa shyhevi kova kopa irova. Tẽvã avy tiko she aipotava, koñeĩ tiko nde ripotava.

Juan 17:9

She airurehe nde jyroja ndyreheva rỹmeẽshe vekuare. Airureãhe nde kuaretare jyrojamba ndyrehevare, nde rỹmeẽsheva reta reheĩ airure, shara hai na'ãpovare.

Juan 19:11

Jesús heishu: Mbaimbatẽ rijapo shyrehe verãra Tũpa ñonoã nderã; hãme rãnga shiñono vekua ndepope tivishaiteve ĩmere hai ijehe mbai porãmba.

Hechos 16:28

Tẽvã Pablo sapukerã heishu: Avy japo ndijehe porãmbava! Opaĩ ĩmehã'ẽ kope!

Hechos 3:17

Hãrã ã'ẽ shyryvyre, aikua kova pee jyve punduruvishare mbai porãmba pijapohe pikuaa kavimbape.

Hechos 7:60

Haivi ĩñesurã hỹnatu sapuke: Sheja, avy ityhe reta mbai porãmbava. Hãrã kova opama heirã, mano.

Romano 12:14

Pehovasashu opaite maĩ'i pyreheare; pehovasashu hareka avy pijahehe.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

1 Corintios 4:12

yrỹkangy mba'apohate'i irijuperã. Porãmba ijeta oreva, ohovasahaĩshu, yrỹmoñahate'ia, mba'ẽã he'iha.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,