Lucas 23:25 - NandevaBiblia

²⁵ hãrã poishi haire pyhỹrõvare, mbai porãmba japo'i tenta Romareva hareka purukarã mbyperesoa vekua, shara haire kyrã jurure; haivi meẽshu reta Jesús japohe verãre haire potava rãĩmi.

Lucas 23:25 Iomraidhean Croise

Mateo 27:26

Haipe Pilato poishi Barrabasvi, haivi nũpãka Jesús hareka heja ipope reta mbysavava verã kurusure.

Marcos 15:15

Hãma Pilato pota haikavi ẽẽ hãndi kuareta retarã, poishi Barrabas; hãrã meẽshu syndarore nupãka verã Jesús, haivi meẽ mbysavava verã kurusure.

Lucas 23:2

Haipe õñepyrõ porããrei ijeta ñynoĩhe reta: Ko kuimbai rãnga heshahahe myporã'ẽ ñanyrẽta. Hei ñameẽmbashu verã kyrypoti mburuvishavasu Cesar, hareka heijy ijehe Cristo, huvishavasu.

Lucas 23:24

Haiperã Pilato meẽshu reta jururehevare;

Lucas 23:26

Rahama reta Jesús mbysavava verãre kurusurerã, ñyvãĩti hãndi reta pente kuimbai tenta Cirenepe'õ Simón he'iashua, ñuuvi oujyva. Hãrã hupishu reta ñyvãpenkare kurusu, raha verã Jesús haykue.

Lucas 23:5

Tẽvã haire hei jyvyĩ: Pyrỹmboiva rãĩmi kuaretare opa pũã ijehe, õñepyrõ Galileape hãrã ã'ẽ kopema vãhẽ ou jyve.

Juan 18:40

Haipe kuaretare hỹnatu sapukerã hei: Hokava avy poishi hai! Poishi Barrabas! Barrabas haimba heko porãmbava.

Juan 19:16

Haipema, Pilato meẽshu reta mbysavava verãre kurusure, hãrã raha reta.

Hechos 3:14

Tẽvã pee piñomi heko Kyambava hareka hekope kavi'ia, haivi hendakuepe pirure poiashi verã Barrabas, puruka'ia.