2 Haipe õñepyrõ porããrei ijeta ñynoĩhe reta: Ko kuimbai rãnga heshahahe myporã'ẽ ñanyrẽta. Hei ñameẽmbashu verã kyrypoti mburuvishavasu Cesar, hareka heijy ijehe Cristo, huvishavasu.
Kyrãrã, potamba poshy ñande verã mbava, ekua ity nipinda yyvasupe, tynonde pira rynohẽva jurupy rymaĩrã ryvãĩposhukui nikere ñande pevãrã, raha meẽshukui hokava.
Haire heishu: Huvisha Cesar. Jesús heishu reta: Akuarã, pymeẽshu mburuvisha vasu ña'ãpova, hareka Tũpape, Tũpa ña'ãpova.
Raha reta Jesús huvisha vasu mbory'õre ẽvaperã hai pyrãndushu: Ndera hai Judiore juhuvisha? Jesús heishu: Nde rãnga rere.
Jesús hei: Cesar ña'ãpova pymeẽjyshu Cesar, Tũpa ña'ãpova pymeẽjyshu Tũpa. Mbyry opamãĩ reta kyrã heishu retarã.
Hãma Pilato pyrãndushu: Ndera hai Judiore juhuvishavasu? Jesús heishu: Nde rãnga rere.
heishu reta: Pee rãnga perushe ko kuimbai, perehe henta'õre myporãmba'õ; she apyrãndumashuje pynynonde, tẽvã porãmba aheshãhe, pee pereheva rãĩmi.
Tẽvã haire hei jyvyĩ: Pyrỹmboiva rãĩmi kuaretare opa pũã ijehe, õñepyrõ Galileape hãrã ã'ẽ kopema vãhẽ ou jyve.
Hãrã Pilato õhẽ katoape pyrãndushu reta: Mbaiva ñee porãmbara ĩme pyrehe kova kuimbai?
Judiore heishu: Ko kuimbai ha'ẽã porãmba japo'iarã, veruambate nde verã.
Haipema Pilato heka marãrapo ma'ẽĩjyhe Jesús; tẽvã Judiore sapuke jyrerã hei: Rỹmã'ẽĩjyherã, nde haiveamapo huvishavasu Romape'õ ñi'ĩrũ! Ĩme'ẽ hei ijeheva haiva huvishavasu, ñymbyvaishomahe huvishavasu Romape'õ!
Kova kuaretare katuã heshaka ãñetera mbai hei shyrehevare.
Vãhẽã rãngashu ko kuimbai mbairasykue rãĩmi, hareka oparupi opa mbijajao Judiore hareka haiteiva miñakashu nazareno ryhevare.
Hãme rãnga pymbyhepyñoĩposhu ẽẽva rãĩmi pymbyhepyshu verã, tenta jurureva maĩrã mburuvisha jurureva, pymbyvete maĩrã pymytynonde jyveshu.