Lucas 22:32 - NandevaBiblia

³² Tẽvã airureshuje Tũpa, potãã nykangy rirojakueperã. Hãrã opama hasa mbai pohyvarã, mykyrẽyjyshukui ni'ĩrũre jyrojanõĩ shyrehe verãre.

Lucas 22:32 Iomraidhean Croise

Mateo 18:3

hei: Ãñete hai pee, piko vekua rãĩmi pyhejããrã hareka pikoã sanjay rãĩmirã picheãpo huvisha vasu vate arapy'õ ẽvãpe.

Mateo 26:75

Haipe Pedro mãnduahe Jesús heishu vekua rãĩmi, “Ndei uru ñyrãrã mbahapyjypo shiñomikui”. Pedro õhẽ katuaperã jaheote'i, shara mbasyiterã.

Marcos 14:72

Haipevaĩ uru mokueheama ñee. Hãma Pedro manduahe Jesús heishu vekua: “Ndeiteri uru mokue ñeerã, mbahapyjypo shiñomi reikui”. Pedro mandua hokavarerã õhẽ katuape, hareka haipe jaheo'i.

Marcos 16:7

Pekua pymbeushu mbo'ehareare hareka jyve Pedro: Hai ohopo pynynonde Galileape; haipepo pyheshajykui, hei pee vekua rãĩmi.

Lucas 8:13

Timĩty oa vekua ita mbytepe rãnga hai Tũpa Ĩñee hendurã, vy'ape rojava; tẽvã hapo pukuãrã, sapy'aiteĩ jyroja, oumashu pya hã'ãvaperã, poi jyroja.

Juan 14:19

Kõõima'ẽ, kuaretare shyreshaveama verãpe, tẽvã pee shyreshajypokui, shara ãmanoãpokui, hãrã pee pymano'ãĩpo jyvekui.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Romano 8:32

Hai haihuããmba ñandyhevi Tay, hãma ma'ẽĩmbahe mano ñandyrehe, marãrapo me'ẽã jyve ñande Tay hãndi, opa mbai mba'ety ñandeva?

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

2 Timoteo 2:18

yngaipii jyrahashi añeteva. Haire hei ñande jakuerajyape hasamava, hareka kyrãvape a'ãmore jyrojakuepe mykangyshu.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Hebreos 12:15

Piñyhãã avy mbava hipityããkui Tũpa pyakavikue, mahẽ mbava ovakui pente yvyra hapo irova hareka opavape myporããkui.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

1 Pedro 1:1

She Pedro, Jesucristo jy'apostol, amarãndu opaite pyhyrõãvare opa momohẽã vekuare, Ponto, Galacia, Capadocia, Asia hareka Bitiniaipi.

1 Pedro 1:13

Hãme rãnga pyhãrõpo, pyny'ãrãndupo hareka pyharõkuaapo, mbai haikavivare Tũpa meẽpope Jesucristo ijeshakamarã.

1 Pedro 1:5

Pirojaherã, Tũpa ñyngareko pyndyrehe hai ñymbaikatu rupii, pynypyhỹrõ verã, hai myhẽva'õva hareka jyheshakapokui opa arape.

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.