Lucas 21:36 - NandevaBiblia

³⁶ Pingareko pindijehe, hareka pimbo'e opa ara, peojepeshi verã ko mbai iko verã, hareka haikavi pẽĩverã kuareta Tay hỹnonde.

Lucas 21:36 Iomraidhean Croise

Mateo 24:42

Pymãi kavipeĩ, shara pikuãã mbaipera oujypo Peja.

Mateo 24:43

Pyreko kova pankape: Pente oo ija kuaa mbaipera ichepokui ho'ipe manarõ'iarã, hai ocheãpo hareka ma'ẽĩãpohe ho'ipe manarõshu.

Mateo 24:44

Tẽvã, pẽĩ kavipopeĩ, shara pimoãmbapeĩvape, kuareta Tay oujypokui.

Mateo 25:13

Haivi Jesús hei: “Pysareko katupeĩ, hareka avy peche shara pikuãã ara hareka ora kuareta Tay oujy verãpe”.

Mateo 26:41

Pysareko rãngapo avy peche hareka pirure, mahẽ peakui mbai porãmbape. Aikuaa pynykyrẽytẽ mbai haikaviva pijaporã, tẽvã pyndyroo kãngy.

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Marcos 13:33

Pymaĩ katupẽĩ, avy peche, hareka pirure katu shara pikuãã mbaipera vãhẽpo hoka ara.

Marcos 13:37

Kova haipeva, opaitevape hai: Avy peche.

Lucas 1:19

Tũpa jokueva heishu: She hai Gabriel, ãĩme'ãĩva Tũpa hỹnonde; hãrã hai shymbou rẽĩvape ambeunde verã kova ñee haikaviva.

Lucas 18:1

Jesús mbeushu reta pente ñee ñymyhã'ãnga mboishu verãre, ñymboiñoĩ verãre, hareka ñymykangymbape.

Lucas 20:35

Tẽvã Tũpa kuaapo mbava retarapo mbyhykovejykui; kova jehurã mbaveãmapo kuimbai hareka taupe omenda ijehekui

Lucas 21:35

shara mbai pyrỹmbo'apya rãĩmipo oukui hokava ara, opaiteva kuaretare yvy'ĩãrẽ ẽva retape.

Hechos 10:2

Kornelio hareka hĩjapore hãndi haihuva hareka kyje Tũpaivi. Heta Judiore paveteva mbory hareka ñymboiñy'iva Ñanderupe.

1 Corintios 16:13

Pingarekokatu, avy peche hareka piñymypyrãta jyrojakuepe. Piñimbypyavasu hareka pitasokatu.

2 Corintios 4:14

kuaaha marãra Tũpa mynguerajy Ñandeja Jesús manovare mbyteivi, hareka ore yrỹmynguerapo jyve hãndi, hãrã yryrahapo penendiekui hai hỹnonde.

Colosenses 4:2

Pirure katu, pimoã ryheve hareka pymeẽ pyndy'ajetekue Tũpape.

1 Tesalonicenses 5:17

Opa ara pirure.

2 Timoteo 4:5

Tẽvã nde ryrekoñoĩpo mbai haikaviva, hasakuaa jyhasa'asyre, mbeuñoĩ ñee haikaviva, opakavi japo rijapova.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.

Apocalipsis 11:4

Kova mokue heshava mbeuvare hai mokue yvyra olivo hareka mokue tataĩndy hyru Ñandeja hỹnonde yvy'ĩãre'õ.

Apocalipsis 6:17

vãhẽ ara Tũpa hareka Avisha Ray jahe yryrehe verã, hãrã mba'etypo katu jepyhea.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.

Apocalipsis 8:2

Haivi aheshajy 7 õ Tũpa jokuevare ñymbou ñynoĩvare Tũpa hỹnonde, hareka me'ẽãshu reta 7 trompeta.