Lucas 20:17 - NandevaBiblia

¹⁷ Tẽvã Jesús maĩhe retarã hei: Akuarã, mbaivara he'ise Tũpa jykuatia mbyparavape ẽvã? Kyrã heiva: “Ita vasu, oo japose'iare mbijiche vekua rãnga ã'ẽ koñemahẽa ikoshi oo jypyrã”.

Lucas 20:17 Iomraidhean Croise

Mateo 21:42

Jesús heishu reta: Pikuããra Tũpa ĩñeepe heirã: Kova ita, oo japo'iare mombo vekua, hoka ĩãrẽ ã'ẽ mupũ'ãhã. Kova hai Ñandeja japova hãrã ore pevarã hai mbai haikaviva.

Marcos 10:23

Jesús maĩhe juri'õ retarã heishu mboireare: Javaiveposhu ikokatuvare iche verã Tũpa ẽvãpe!

Marcos 12:10

Pimbijetããra kuatia Mbyparahavape heiva?: Ita, oo japo'iare mombo vekua, ã'ẽ ikoshi ita oo jypy vapyhe verã,

Marcos 3:5

Haipe Jesús poshy ryheve mãĩ jurirã mbyvy'ã pya tãntaĩte retarã, hãma heishu hoka kuimbai: Mysymyĩ ndepo. Ko kuimbai ipo mysymyĩrã, kuera.

Lucas 19:41

Haivi vãhẽma jyraha Jerusalen hyvacherã, Jesús hesha hokava tenta, hãrã jaheo,

Lucas 22:37

Hai rãnga pee potanõĩ opa iko shyrehe hekope kavi kuatia mbyparaha vekuapy: “Heko porãmbava rãĩmi rekoha”. Shara opaite he'ia shyrehe vekua, opa iko oho'i.

Lucas 22:61

Hãma Jesús jererã maĩhe Pedro. Haivi Pedro manduahe Ñandeja heishu vekua: “Ndeiteri uru ñyrããrã, mbahapyjypo rerekui shykuamba”.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Juan 15:25

Tẽvã kyrã jehu shara ikoñoĩpo ñee mbyparahava haire jykuatiape'õ: “Shyreshatããrei jyre”.

Hechos 4:11

Jesús hai ita mbijicheha vekua opaite oo japo'iare, tẽvã haivi ikoshi ita mbijypyhapyva.

Efesios 2:20

Pee rãnga hai oo mupũ'ãhava oo jypy apostol hareka Tũpa ĩñee mbeu'iare ñono vekua, hãrã Jesucristo teiva hai ita oo jypy pyrãtaveva.

1 Pedro 2:6

Hãme rãnga Mbyparahavape hei: “She añono pente ita Sionpe, ita tynondeva, pyhyrõã vekua hareka hepyva, jyrojaheva ha'eã ñymymarãka verã”.