Lucas 2:9 - NandevaBiblia

⁹ Mondii ijeshakashu reta pente Tũpa jokueva, haivi Ñandeja hĩmbipekue sape juri reta, hãrã opa kyje reta.

Lucas 2:9 Iomraidhean Croise

Mateo 1:20

José pya mbijeta'irã, mondii jypaihupe ijeshakashu pente Tũpa jokueva hãrã heishu: “José, David ñymoñashia, avy kyje reru verã María ndyrekorã, ko sanjay María ĩmere verã hai Espiritu Santo japova rupii.

Lucas 1:28

Tũpa jokueva iche Maria ẽvãperã heishu: Arỹmarãndu kavi! Ñandeja ẽẽ nendie, mbaikavipy nymytynyhẽva opaite taupe retaivi.

Lucas 2:8

Belen hyvache mbovy ĩme ñynoĩ avisha ñyngareko'iheare, ñuupe jy'avishare ñyngareko ñynoĩheva hoka pyhare pukukue.

Lucas 24:4

Opa kyje retarã kuaã mbaivarapo japo reta, hãrã haipe ijeshakashu reta mokue kuimbai mondea opa hĩmbipeva;

Juan 12:41

Isaias kyrã mbypara shara tynonde hesha Jesús hĩmbipekue, hãrã kyrã ijetahe.

Hechos 12:7

Sapy'aĩ ijeshaka Ñandeja jokueva hareka hĩmbipekue opa mykõĩ'ipe pyrỹmbyperesohaseape. Tũpa jokueva Pedro pokoherã, mombarã hei: Narẽã pũ'ã! Hãrã haipe kadenare opa oashi Pedro papyivi.

Hechos 27:23

Shara je'i pyhare Tũpa jokueva ijeshakashe, she amombai'area,

Hechos 5:19

Tẽvã pente Ñandeja jokueva, pynturã pea pyrỹmbyperesohaseape hõche, hãrã nohẽjyrã heishu reta:

2 Corintios 3:18

Hãrã opaite ñandeva, ñandyrova jasoireva mba'etyma ñandyreheva, ñamaĩhe sypevape rãĩmi Ñandeja hĩmbipekue, Cristo ñandy'ovave oho'i, shara ĩmejare hĩmbipekue. Hokava rãnga hai Ñandeja je Espiritu japova.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Hebreos 12:21

Pyrỹngyjeva ryheva hokava heshahava, hãme rãnga Moisés teiva hei: “Opa aryry akyjeiterã”.

Apocalipsis 18:1

Hokava haykuema aheshajy yngava Tũpa jokueva vejy ou vate araivi. Ñymbaikatu vasukue ryheve, hareka hĩmbipekuepe opa mykõĩ yvy'ĩãrẽ.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.