Lucas 2:34 - NandevaBiblia

³⁴ Simeón meẽshu reta jyhovasa, hãrã heishu Maria, Jesús ishy: Tũpa mbou ko sanjay heta Israelpe'õre ohojepe verã, hareka yngavare jaheahe verã. Haipokui pente heshaha verã hareka hetapo'ẽkui ñymbyvaishoheva.

Lucas 2:34 Iomraidhean Croise

Mateo 11:19

Hãrã, kuareta Tay pereshu: “Karu hareka houva vino, karuiteva hareka kauva, opaite mbai porãmba japo'iare hãndi, kyrypoti mbatyse'iare Roma pevarã mi'ĩrũva”. Tẽvã ãrãndu Tũpaivi ouva, mbai jajapova rupiipo ijyheshakui.

Mateo 12:46

Jesús ijetateri'ẽ vekua, vãhẽ hai ẽvãpe ishy hareka tyvyre pota ijeta hãndirã. Katoapẽ ĩme ñynoĩ reta:

Mateo 21:44

Tẽvã ĩme'ẽ ita oahearã opapo my'õpe, ĩme'ẽ oava ita ĩãrẽrã opapo mungui.

Mateo 27:63

Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Lucas 2:35

Ãñete kyrãpo kuaahakui pepenteĩ pya mbijeta'iva. Hãrã nde Maria, kova ndyreko asypo kyse pukuva ndypyape kutuava rãĩmipokui.

Juan 3:20

Opaite mbai porãmba japo'iare, mymorãã kõĩvãpe'õ, hareka ñymbojããhe reta kõĩvã shara potãã heshaha mbai porãmba japo'irã.

Juan 5:18

Kova rehe Judiore potaiteve jukajyre Jesús, shara japo pente mbai japohamba verã putu'uava jy'arape harekajy ñimbivache'i hãndi Tũpa, hei Tũpa haiva Tuu.

Hechos 13:45

Tẽvã Israelitare heshama hetaite kuareta ñymbatyvarã, oñepyrõ põrãa hei jyrehe Pablo hareka heheijyreshu.

Hechos 17:6

Hãma vahẽamashu reta Pablo hareka Silasrã, mbytyryry raha reta Jason hareka a'ãmo jyrojavare, hãrã raha reta huvishare hỹnonde, sapuke jyre: Ko kuimbaire pyrymangãtumba'iare ko yvy jerekue, ã'ẽ ouma jyve kope,

Hechos 24:5

Vãhẽã rãngashu ko kuimbai mbairasykue rãĩmi, hareka oparupi opa mbijajao Judiore hareka haiteiva miñakashu nazareno ryhevare.

Hechos 28:22

Pota henduha ndijuruivi mbaivara rere jyvehe ko ikova, oparupi rãnga henduha porãmba ijetaheva ko mbai py'ahuva.

Hechos 4:26

Opaite mburuvisha vasure yvy'ĩãrẽ'õre ñymyhẽva ñyrãrõ verãre, hareka huvishare ñymbaty ñymbyvaishohe verãre Ñandeja hareka Mesias hai pyhỹrõva.

Hechos 6:7

Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

Romano 9:32

Marã'ĩrãra hipityã reta? Shara japovare rupii pota hipity reta hareka ha'ẽã haire jyroja retarã. Hãme rãnga vapihe reta “ita pyrỹmbyvapi'õ”.

1 Corintios 1:23

tẽvã ore mbe'uha Cristo ryheva mbysavavaha vekua kurusure. Kova ñee rehe heta Judiore poshyjyre, hãrã haimba Judiovare pevarã mbaimba vekua rãĩmishu kova ñee.

Hebreos 7:1

Kova Melquisedec haimba Salempe huvisha vasurã'õ hareka pai Tũpa vateve'õ ñonova, Abraham oujy ñyrãrõivi mbysypema yngava huvisha retarã, Melquisedec oho hỹvãĩtishu hareka maĩkavihe.

Hebreos 7:7

opaiteva jaikuava rãĩmi maĩkavi pyryreheva mbaivasuveshi ma'ẽãkaviheva.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.