Lucas 2:14 - NandevaBiblia

¹⁴ Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Lucas 2:14 Iomraidhean Croise

Mateo 21:9

Hãrã kuaretare tynonde hareka taykue ohovare õñepyrõ sapukerã hei: Tũpa ohovasa mburuvisha vasu David Tay! Toñemombai Ñandeja heepe ouva! Toñemombai Tũpa!

Lucas 1:79

Sapehe verã opaite pỹntuape'iare, hareka ñymano ĩ'ãkuepy iare; hãma ñandyraha verã pee pyavapyva hupi.

Lucas 19:38

hei reta: Tyma'ẽãkavihe Mburuvisha vasu Ñandeja heepe ouva! Pyavapy tõĩ vate arapy hareka tõmomba'eha vatevevape!

Lucas 2:13

Haipe mondii ijeshaka Tũpa jokueva hareka ĩrũre hetava hãndi vate araivi, Tũpa pyrahe ñynoĩshurã hei reta:

Lucas 2:15

Hãrã Tũpa jokuevare jyrahajyma vate arapyrã, avisha ñyngareko'iheare hei ijupe: Jaha Belenpe ñamaĩhe ko Ñandeja ñanymbykuaaka'õva.

Lucas 3:22

Haipe ijyhesha vejy Jesús iãrẽ Espiritu Santo pykasu rãĩmi, haivi iñyhendu vate araivi pente ñee heiva: Nde hai Shyray ahaihuva, ndyrehe shypya hory.

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

Juan 17:4

She rãnga arỹmbyvetema ko yvy'iãrẽ hareka opa ajapo nde rỹmeẽ she vekua ajapo verã.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Efesios 1:6

Kyrãpo ñamombai vasuñoĩshu Tũpa shara ñandyraihuite, hareka hai ĩãrẽve meẽjy ñande mbai haikaviva Tay haihuva rupii.

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Efesios 2:4

Tẽvã Tũpa pyryparekova hareka ñandyraihuva ryhevarã,

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Filipenses 2:11

Hareka opavare hei verã Jesucristo haiva Teja, õñemomba'e vasushu verã Tũpa Teru.

Filipenses 2:13

shara Tũpa japo pyndyrehe haikaviva pijapo verã hareka pynymbory pinimbijapoka, shara kyrã hai potarã.

Colosenses 1:20

Hãma Cristo rupii Tũpa mbi'iko kavijy hãndi reta opaite ẽvã yvy'ĩãrẽ hareka vate arapy'õre, hãrã ñono kavijy hãndi Cristo huvy rupii ñohẽ vekua kurusure.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Apocalipsis 5:13

Haivi ahendu opaite japoha vekuare vate arapy, yvy'ĩãrẽ, yvy'ipe hareka yyvasu'ipe hareka ẽẽpyare heirã: Vapyhapyape vapy'õ hareka Avisha Ray pyraheashu, typyraheashu, tomomba'eha hareka mbaikatukuepe, opa arape.