Lucas 2:11 - NandevaBiblia

¹¹ Ã'ẽ oaje David hentape pente pyrỹmondo jepe'i verã, hai Cristo, Ñandeja.

Lucas 2:11 Iomraidhean Croise

Mateo 1:16

Jacob, José tuu; hareka José, María ĩme; María, Jesús ishy Cristo he'iashua.

Mateo 1:21

Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”.

Mateo 16:16

Simón Pedro heishu: Nde hai Cristo, Tũpa tay hykove'ia.

Mateo 16:20

Hãrã Jesús hei kavijyshu mboireare potambaa mbavape mbeu verã haiva Jesús, Cristo he'iashua.

Lucas 1:43

Mbavara she, ou pohyshe verã Sheja ishy?

Lucas 1:69

Mbou ñande pente ñymbai katupe ñanymondo jepe'i verã, huvisha vasu David ñymõñashia mbyteivi jokueva.

Lucas 2:26

Espiritu Santo kuaakashu manombateri verã Cristo Ñandeja ndeiteri hesharã.

Lucas 2:4

Hãrã José õhẽ tenta Nazaretvi, yvy Galileape'õ, oho Belenpe Judea kyty huvisha vasu David oa vekuape, heshara José hai David ñymoña hãndiare.

Juan 1:41

Andres tynonde japova hai oho heka tichey Simón; hesharã heishu: Vãhẽã rãngashuje Mesias! (He'iseva Cristo).

Juan 1:45

Haivi Felipe oho heka Natanael, heshamarã heishu: Vãhẽha rãngashu kuimbai, Moisés mbyparahe vekua hareka Tũpa ĩñee mbeu'iare, hokava hai Jesús, José tay Nazaretpe'õ.

Juan 11:27

Marta heishu Jesús: Kyrãĩte, Sheja. Aroja nde haiva Cristo, Tũpa Tay ou verã aryka'e ko yvy'ĩãrẽ.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 4:25

Haivi taupe heishu Jesús: She aikuaa jyve ou verã Mesia, Cristo he'iashua; hai oumarã opa mbaipo mbeu kavi orekui.

Juan 4:42

Hãrã heishu reta taupe: Ã'ẽ haiveama nde rerevãĩ rojahava. Shara oreteima henduha hai heiva, hareka kuaahama añeteĩteva hai Cristo; opaite kuareta yvy'ĩãrẽ iare mondojepe verã.

Juan 6:69

Ore rãnga jyrojaha ndyrehe, hareka kuaaha nde haiva Cristo, Tũpa Tay.

Juan 7:41

Ĩrũre hei: Kova hai Cristo. Yngavare heijy: Marãrapo Cristo Galileaivi ou?

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Hechos 13:23

Hãrã Jesús hai David ñymoñashia, hareka Tũpa mbou mondojepe verã Israelvare, Tũpa ĩñee meẽ vekua rãĩmi.

Hechos 17:3

Mbeu kavishu reta Cristo manoñoĩ verãmba hareka kuerajyñoĩ verã. Heishu reta ko hai Jesús she ãmbeu'ãĩpea, haiñoĩ Mesia.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

1 Corintios 15:47

Kuimbai tynondeva rãnga hai yvy ĩãrẽ'õ, yvyivi japoa vekua; kuimbai mokueheva, haiva Ñandeja, hoka hai ara vate'õ.

Filipenses 2:11

Hareka opavare hei verã Jesucristo haiva Teja, õñemomba'e vasushu verã Tũpa Teru.

Filipenses 3:8

Ã'ẽ ahesha kavi kova maĩnunga yty rãĩmi, shara haikaviveshe Cristo Jesús Sheja aikuaarã hareka ãmombo ytype kova maĩnungare, ĩme'are verã Cristo, kyrã Tũpa pota ñandyhevi.

Colosenses 2:6

Hãrã pee pymyvãhẽshuva rãĩmi Jesucristo Pyndejarã, kyrãĩpo piko jyve Hai potava rãĩmi;

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.