Lucas 2:10 - NandevaBiblia

¹⁰ Tẽvã Tũpa jokueva heishu reta: Avy pykyje; aru pee mãrãndu haikaviva, opavare mbyvya verã.

Lucas 2:10 Iomraidhean Croise

Mateo 14:27

Jesús ijetashu retarã hei: Avy pykyje! She rãnga.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Mateo 28:5

Haipe Tũpa jokueva ijetashu taupe retarã hei: Avy pykyje. Aikuaa rãnga pyhekapeĩ Jesús, kurusure jukaha vekua.

Marcos 1:15

Jesús hei: “Vãhẽma ara, Tũpa ẽvãpe'õ ryheva vãhẽserima, peijy Tũpa jykoty hareka pyroja Ñee Kaviva”.

Marcos 16:15

Haivi heishu reta: Pekua oparupi yvy jerekue, hareka pymbeu Ñee kaviva opava retape.

Lucas 1:13

Tẽvã Tũpa jokueva heishu: Zacarías, avy kyje! Tũpa henduma nde rirureva. Ndyreko Elisabet membypokui, hãrã ndyray rymbyheepokui Juan.

Lucas 1:19

Tũpa jokueva heishu: She hai Gabriel, ãĩme'ãĩva Tũpa hỹnonde; hãrã hai shymbou rẽĩvape ambeunde verã kova ñee haikaviva.

Lucas 1:30

Tũpa jokueva heishu: Maria avy kyje, shara Tũpa maĩkavimba ndyrehe.

Lucas 2:11

Ã'ẽ oaje David hentape pente pyrỹmondo jepe'i verã, hai Cristo, Ñandeja.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Lucas 8:1

Haivi Jesús oho hãndi 12 mboireare heta tenta vãsu hareka tentamire õipi, ñimiñee hareka mbeu Tũpa ẽvãpe'õ ryheva.

Hechos 13:32

Kyrã ore mbe'uha jyve pee Ñee kaviva Tũpa ĩñee meẽ vekua ñanytynõndeva retape.

Romano 10:15

Marãirapo oho mbeu reta, mondohambare? Kuatia Mbyparahava rãnga hei: “Haikavi jahesha vãhẽ ou, ñee kavi veruvarã”.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.