Lucas 19:38 - NandevaBiblia

³⁸ hei reta: Tyma'ẽãkavihe Mburuvisha vasu Ñandeja heepe ouva! Pyavapy tõĩ vate arapy hareka tõmomba'eha vatevevape!

Lucas 19:38 Iomraidhean Croise

Mateo 2:2

haire pyrãndushu: “Mapera ĩme'ẽ Judiovare juhuvisha vasu oava? Ore heshaha kuarasy õhẽakyty jasytata sape'ẽherã, hãrã ouha omomba'eashu”.

Mateo 21:9

Hãrã kuaretare tynonde hareka taykue ohovare õñepyrõ sapukerã hei: Tũpa ohovasa mburuvisha vasu David Tay! Toñemombai Ñandeja heepe ouva! Toñemombai Tũpa!

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Lucas 13:35

Ã'ẽ ndero hejahapo, yvy ikohambaipi, hã'ẽĩma ẽẽ hãrã hai pee shyreshaveama verã, vãhẽpeve hoka ara pere verã: “Tojehovasa ouva Ñandeja heepe”.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Efesios 1:12

Kyrã japo shara pota ñande Judiore tynonde jairojahe Cristo, jaiko ñamombai vasu verã ñymbaikatukue.

Efesios 1:6

Kyrãpo ñamombai vasuñoĩshu Tũpa shara ñandyraihuite, hareka hai ĩãrẽve meẽjy ñande mbai haikaviva Tay haihuva rupii.

Efesios 3:10

Kyrã, tũpaope ẽvã reta rupii, Tũpa jokuevare hareka Espiritu ñymbaikatuva yvyture iare kuaapo Tũpa opa kuaava.

Efesios 3:21

Opaite tũpao Cristo ryhevare ñaĩva ñamombaiñoĩshupe. Amén.

Colosenses 1:20

Hãma Cristo rupii Tũpa mbi'iko kavijy hãndi reta opaite ẽvã yvy'ĩãrẽ hareka vate arapy'õre, hãrã ñono kavijy hãndi Cristo huvy rupii ñohẽ vekua kurusure.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.