Lucas 19:12 - NandevaBiblia

¹² Hãma hei: Ĩmemba'ẽ pente kuimbai mbai vasuva mbyry ohova ynga tenta kyty, mbyheaa verã huvisha vasurã, hãrã oujypo.

Lucas 19:12 Iomraidhean Croise

Mateo 21:38

Heshama reta yvy ija tayrã, mba'apo iare hei: “Kovape rãnga opapo pytakui opa mbai, jajuka hãrãpo pyta ñandekui ko yvy”.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Marcos 12:1

Jesús ijetashu reta ñee ñymyhã'ãnga rupiirã hei: Pente kuimbai ñoty uva jy'yvype, opa mangora; haivi japokajyshu uva ñamihã'ẽ verãpe. Mũpũãjy pente oo vate'õ, haivi ñyngareko hareka maĩ'ẽhe verã. Haivi hepyre porykashu ju'uva rẽnda mba'apo'ia retarã, oho mbyry.

Marcos 16:19

Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.

Lucas 20:9

Haivi õñepyrõ ijetaheshu kuaretare kova ñee ñymyhã'ãnga rupii: Pente kuareta ñoty uva jy'yvype, haivi porykashu jokuevare ju'uvarẽnda. Hãrã heta ara mbyry oho hentaivi.

Lucas 24:51

Ohovasa teri'ẽshua retapeĩ syry ohoshi retarã rahaha vate arape.

Juan 18:37

Hãrã Pilato heishu Jesús: Akuarã haira nde huvishavasu? Jesús heishu: Hai rãnga, nde rereva rãĩmi. Ha'erã aa ko yvy'ĩãrẽ ambeu verã añeteva. Hãrã opaite mbai añeteva japo'iare, hendu jyve reta ambeuva.

Hechos 17:31

Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.

1 Corintios 15:25

Shara Cristo mburuvisha vasurãñoĩpo'ẽ opa ñonopeve ipy ipe hyvaishorãreare.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

1 Pedro 3:22

haivi hai jupi vate arape hareka ĩme'ẽ Tũpa jakata kyty. Tũpa jokuevare ĩãrẽve ẽẽ verã hareka opaite espiritu mbaikatu ĩmerevare.

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.