Lucas 18:7 - NandevaBiblia

⁷ Hãmera Tũpa hepyãpojyve jyrojahea, jurureñoĩ'ishuare ara hareka pyharekue? Kỹỹrapo hãrõshu mbory verã?

Lucas 18:7 Iomraidhean Croise

Mateo 24:22

Hãrã Tũpa mykoĩpĩã kova ara, jyrojaheare reherã, mbavẽapo ohojepekui. Hai pyhyrõvare haihu rupii rãnga mykõĩpĩpokui.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Mateo 7:11

Pee piniñarõva, mbai haikavivaĩ pymeẽshu pyndyrayre, ñopyĩara hai Peru vate arapy'õ, mbai haikavivapo meẽshu jurureshuare.

Lucas 11:13

Pee piniñarõva pikatu mbai haikavivãĩ pymeẽshua pyndyrayre, ñopyĩãra hai Peru vate arapy'õ meẽñoĩposhu Espiritu Santo jurureshua.

Lucas 2:37

tẽvã japoma 84 ãño ĩme manoshia. Õhẽmbava tũpao vi, ara hareka pyhare karumbava, ñymbo'e Tũpape õmombairã.

Lucas 21:28

Hãma kova mbai õñepyrõma ikorã, pimykyrẽỹ hareka pãka pumũpũ'ã, shara kõõima ou mbyhepya pyndyrehe pynynohẽajy verã.

Romano 8:33

Ĩmera'ẽ mbava ijeta porãmbahe verã Tũpa pyhỹrõvare? Tũpa teiva rãnga mbyheko kavishu reta.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

1 Tesalonicenses 3:10

Arape hareka pyharekue jurureha Tũpape pyndyreshahajy verã pynymboryhahe verã pirojakuepe mba'etypeva.

2 Tesalonicenses 1:6

Tũpa heko kavi, hareka jahepohekui pynymbyhasa'asyka'iare,

1 Timoteo 5:5

Taupe ĩme manoshia ãñete hã'ẽĩ pytava hãrõ Tũpa, jurureshu mbory verã arape hareka pyharekue.

2 Timoteo 1:3

Shymandua ndyrehe arape hareka pyharekue aimboirã, ameẽ shy'ajetekue Tũpape, ahahe pya kyamba ryheve, shytynondevare japova rãĩmi.

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

1 Pedro 1:1

She Pedro, Jesucristo jy'apostol, amarãndu opaite pyhyrõãvare opa momohẽã vekuare, Ponto, Galacia, Capadocia, Asia hareka Bitiniaipi.

2 Pedro 3:9

Ha'ẽã rãnga Ñandeja potai kỹỹ'ẽva japo verã hai hei vekua, ã'ãmore pya mbijetahea rãĩmi, koñeĩ pyny'ãrõpeveĩ'ẽ, shara hai potãã mbava manoshi, koñeĩ pota opaiteva oujy Tũpa kyty.

Apocalipsis 18:20

Ryvy'apo nde ara vate'õ, pyvy'apo jyve pee heko kyambare, apostolre hareka Tũpa ĩñee mbeu'iare, shara Tũpa nũpamarã, japomape ñimbivacheva ryheva.

Apocalipsis 6:10

Hãrã hỹnatu sapuke reta: Sheja heko kyamba hareka añeteva, mbaiperapo rĩmbivache hareka rỹmyngoviashu reta irijuka'i vekuare yvy ĩãrẽ ikovare?

Apocalipsis 7:15

Hãme rãnga ã'ẽ haire ẽẽ Tũpa vapypya hỹnonde, ara hareka pyhare ijokueka ñynõishu jytũpaope, Tũpa ẽẽpo hãndi reta hareka ñyngarekopohe.