Lucas 18:13 - NandevaBiblia

¹³ Tẽvã kyrypoti mbatyse'iare Roma pevarã mbyryĩ ñymboy'i, õĩmbashua vate arare mãĩ verã, koñymãi pitiape nũpa'irã hei: “Tũpa, shyparekomĩtẽ, shara she hai heko porãmba!”

Lucas 18:13 Iomraidhean Croise

Mateo 10:3

Felipe, Bartolome, Tomas, Mateo kyrypoti mbatyse'iare Roma pevarã, Jacobo Alfeo tay; hareka Tadeo;

Mateo 6:5

Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.

Mateo 9:13

Pekua pikuaa mbaivara he'ise Tũpa ĩñeepe heirã vekua: “She rãnga aipota pypareko papishare hareka ha'eã mymba jukahavare”. She aĩã ãhẽno heko kavivape, koñeĩ heko porãmba'iare opa heja verã mbai porãmba japo vekua.

Marcos 11:25

Pimboipeĩrã, pyhejareiishu ĩmepyre porãmba papisha hãndirã, hãrã Ñanderu vate arapy'õ, hejareiipo jyve pyndyhevi porãmba pijapo vekua.

Lucas 17:12

hãrã ichema oho pente tentamĩperã ou hỹvãitishu 10 kuimbai kuru põrãmbare, tẽvã mbyrykatuĩ ou ñymboushi reta;

Lucas 22:41

Mbyry katu ohoshi reta pente ita vasu momboava rãĩmi. Hãrã haipe ĩñesu hareka ñymboirã,

Lucas 23:48

Opaite kuaretare ñymbaty vekua hareka heshavare ko ikova, mbyvya ãĩterã pitiaipi nupajy jyraha reta.

Lucas 5:8

Simón Pedro, heshama kovarã, iñesu Jesús hỹnonde hãrã heishu: Syry shyhevi, Sheja; she rãnga hai heko porãmba.

Hechos 2:37

Ñymbaty'õre hendu kovarã, mbyvy'ãã retarã pyrãndu jyreshu Pedro hareka ĩrũ Apostolre: Shicheyre, mbaivara akuarã jajapopo?

Romano 5:8

Tẽvã kovape Tũpa heshaka ñande jyhaihukue, mbai porãmbapeteri jairã, Cristo mano ñandyrehe.

2 Corintios 7:11

Haikavi Tũpa pota rupii piñymbasypeĩrã. Pymaĩhe marãra veru mbai haikaviva! Kyrã mondo kuaa mba'eã ajaporã hareka shyrepy reta. Hãma poshy reta hareka kyje reta maĩnunga iko verãre. Pota shyresha reta hareka ajeraima japova jahehe reta. Opaite kova rehe, pyheshaka peĩã jyve kovaperã.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

Hebreos 4:16

Hãrã jyrojakue ryheve ñaĩmbojahe Tũpa ñandyraihuva vapy'õpe, ñandypareko verã, hareka ñavãhẽshu verã pyakavi ñaikotẽverã.

Hebreos 8:12

Ahejareiposhi retakui porãmba japo vekua; shymanduaveãmapohekui haire mbai porãmba japo vekua.