Lucas 16:8 - NandevaBiblia

⁸ Pyrokue'õ kuaama mbai ñyngareko porãmba'ihea katu'i jyve mbai japo verãrã, ijeta kavihe. Shara ko yvy'ĩãrẽ'õ japo'iare ha'eve jyve mbai japo verã hapishare hai rãĩmi'iare pevarã, Tũpa potava japo'ia retaivi.

Lucas 16:8 Iomraidhean Croise

Mateo 12:32

Tũpa hejareiiposhu kuareta Tay ijeta porãmbahea, tẽvã Espiritu Santo ijeta porãmbahea, ko yvy'ĩãrẽ hejareiiãposhu hareka ara ou'ẽ verãpe.

Mateo 17:26

Pedro heishu: Ynga tentaivi ouvare. Jesús heishu: Akuarã henta ĩrũre katuã rãngapo meẽ.

Lucas 16:10

Ko heko kaviva mbai mishĩvãpe, heko kavi jyve mbai hetavape; hãrã mishĩvape heko porãmba, kyrã jyve mbai hetavape.

Lucas 16:4

Aikuama mbaivarapo ajapo, ĩme'are verã mbava retarapo shymyvãhẽ hentape, amba'apoveamarã”.

Lucas 16:7

Haivi pyrãndujyshu ĩrũ: “Ndejyveno mbovyra ndipiarẽĩve?” Hai hei: “100 trigo hyru ryheve”. Hãrã heishu: “Kõ'ẽ ndykuatia 80 pevẽĩ ñono”.

Lucas 18:6

Ñandeja heivejy: Pyhendu huvisha pirĩmbivachese'ia heko porãmba'ia heiva.

Lucas 20:34

Hãrã Jesús heishu reta: Yvy'ĩãrẽ kuimbaire hareka taupere omenda.

Lucas 20:35

Tẽvã Tũpa kuaapo mbava retarapo mbyhykovejykui; kova jehurã mbaveãmapo kuimbai hareka taupe omenda ijehekui

Juan 12:36

Ĩmeteri'ẽ pynymbytepe sape'õrã pirojahese, hai ryhevare iko pyndyhevi verã. Jesús kova opa heirã oho, ñemishi reta.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

Efesios 5:8

Pee rãnga pikopi pyntuape arykai, tẽvã ã'ẽ pikoma Ñandeja jysapekape; hĩmbipevapepo piko, tyrayre hendyape'ia rãĩmipo piko.

Filipenses 3:19

Hokavare japyapepo jyvareahe retakui. Ñu tũpa ha'ĩĩ potaveshi reta, hareka japuhe reta notitẽ verãre. Yvy'ĩãrẽ õvaĩ pya mbijetahe reta.

1 Tesalonicenses 5:5

Opaiteva rãnga pee mbai sapeka hareka ara kõĩvapeva. Ha'eã ñande pỹntu hareka timimbiape'õ;

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

1 Juan 3:10

Kyrã ijykuaa mbavara hai Tũpa tayre hareka Ãña tayre, shara opaite mbai haikaviva japombava hareka tyvy Cristo jyrojahea haihumbaa ha'ẽã Tũpa tay.