Lucas 16:24 - NandevaBiblia

²⁴ hãrã sapukerã hei: “Sheru Abraham, shyparekomĩtẽ, mbou Lázaro tymaky ipo ĩtimi yype vỹry'ỹsã verã shẽku; porã'ãĩte rãnga ãĩ ko tata hẽndype”.

Lucas 16:24 Iomraidhean Croise

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Mateo 3:9

Avy pimoã Abraham ñymoshiaperã mba'ẽã jehupe, she hai pee Tũpa katu japoshi ko ita Abraham ra'yrã.

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Lucas 16:30

Iko katu katuvekua heijy: “Kyrãtẽvara sheru Abraham; ĩme'ẽ ohova haire ẽvãpe mano vekua pãũvirã, hejapo retakui mbai porãmba japo vekua”.

Lucas 19:9

Jesús heishu: Ko arape vãhẽ ohojepeva ryheva kova oope, shara ko kuimbai hai jyve Abraham ñymõña hãndia.

Lucas 3:8

Piñymbyheko kavi, tyheshaa pyndyrehe ãñete peijyva Tũpa kyty, hareka avy pyndypya pimbijetarã pere: “Ore hai Abraham ñymoñaa hãndia”; ãñeteite hai pee Tũpa katuĩ japojyshi kova ita Abraham ta'yrãre.

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Juan 7:37

Arete vasu ara koñymava mbyharuaveva, Jesús ñymbou hỹnatu ijetarã hei: Ĩme'ẽ ju'uhevarã tou shyrẽndape, hou verã yy.

Romano 4:12

Hareka ñichĩchĩkavare tuu, hareka Tũpa jyroja jyvehe reta, ñanderu Abraham ikova rãĩmi ndei ñichĩchĩkarãvaĩ.

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

Santiago 2:13

Pyryparekombavare, mbivachehakapo parekohambape, tẽvã pyryparekova hasa kaviposhi ara pirĩmbivacheha verãĩvi.

Santiago 3:6

Ñaneku rãnga tata rãĩmi jyve, pente yvy'ĩãrẽ'õ porãmba ñandyretere ẽvã, opa myngya tyrete, hendykue tata vasuivitei ou hareka opa hapy ñandyrykove.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 20:15

Hareka heere ñonohãmbaa kuatia tykove ryhevape, momboha reta tata vasupe.

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;