Lucas 16:22 - NandevaBiblia

²² Pente arape mano ko pavete'ia, hãrã Tũpa jokuevare ou rahashu Abraham ẽvãpe. Haivi iko katuva mano jyve, hãrã ñotỹha.

Lucas 16:22 Iomraidhean Croise

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Mateo 24:31

Ñyhendupo mimbyvasukue hỹnatu ipuva, haivi ãmondopokui ajokuevare mbaty verãre shyryhevare opaite yvy jerekue, ara japyivi opapeve.

Mateo 8:11

Hãrã haijy pee, heta'ẽ ou verã kuarasy õhẽãivi, hareka kuarasy icheaivi, hãrã vapypo Abraham, Isaac hareka Jacob, karuvasu hãndi verãre huvisha vasu vate arapy'õ,

Marcos 8:36

Mbaivara mbijehupo pente kuareta opaĩ ĩmere ko yvy'ĩãrẽ'õvarã, manoshirã?

Lucas 12:20

Tẽvã Tũpa heishu: Nde tykove kuamba'ia! Ko pyharepo rỹmano; rỹnãtuvare, mbava pevarãrapokui?

Lucas 16:21

ko pavete'ia potavasĩ ñymyhỹvãtatẽpy ho'uava ku'ikuemi oava iko katuva ñy mesaivi hareka ñaũmba retaave ou hereshi kuru.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 13:23

Pente mboirea Jesús haihuveva, vapy'ẽ jichere karu ñynõĩrã,

Juan 21:20

Pedro jerepyrã hesha oho jyre haykue mbo'eharea Jesús haihuveva, karu ñynoĩrã vapy'i hyvacheva hareka pyrãndu'ishu vekua: “Yreja, mbavara yrỹmbyteivi ndypysykapokui?”

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

Santiago 1:11

Kuarasy õhẽmarã hareka hakuma'ẽrã, opa jipi, poty oashi haima mashy'ãkue opareii. Kyraĩ jyve ikokatuva opareiipo jyve mbai hipity vekuare.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

Apocalipsis 14:13

Hareka ahendujy pente ñee araivi ouva heisheva: Mbypara: Vy'apo manova koivi kutyve Ñandejare ẽẽva. Ẽẽ, kyrã hei Espiritu, putuumapo opa mbai japovaivi shara japo vekuare ẽẽ hãndi reta.