Lucas 16:2 - NandevaBiblia

² Hãma hẽnokarã heishu: “Mbaivarajy ko ahendu he'ia ndyreheva? Opa ñono she kuatiape rijapo vekua, shara katuveamapo rĩngarekohe shã'ãpovare”.

Lucas 16:2 Iomraidhean Croise

Mateo 12:36

She hai pee, ñimbivache arape opavare mbeupokui Tũpape mãrã'irãra hei reta ñee porãmba vekua.

Mateo 20:8

Pyntumarã, koo ija heishu ju'uva rẽnda ñyngareko'ẽheã: “Hẽno mba'apo'iare meẽshu reta japova hepykue. Tynõnde mbyhepyshu reta taykueite ichevare, tynondeite icheva retapo taykueite rymbyhepyshukui”.

Lucas 12:20

Tẽvã Tũpa heishu: Nde tykove kuamba'ia! Ko pyharepo rỹmano; rỹnãtuvare, mbava pevarãrapokui?

Lucas 12:42

Ñandeja heishu: Mbavara hai ñyngareko'ihea japumbaa kua kaviva hareka hekope kavi he'iashuva japova, kyrãva oo ija hejaposhu hoo ipe ñyngareko verã, hareka myngaru verãre jy'arape kavi?

Lucas 16:1

Jesús heishu mboireare: Ĩmemba'ẽ pente kuimbai iko katuva, ĩmerejy pente jokuerea mbai ñyngareko'iheshua. Mbe'uashu porãã opa pory mbai hetava ñyngareko'ẽhea.

Lucas 16:3

Haivi mbai ñyngareko'ihea pyape hei: “Mbaivara ajapopo? Shokue'ia rãnga shymohẽ amba'apoaivi. Shy yvype amba'apo verã ãĩmburuãshu; airurure'ai verã, ãnotijy.

Romano 14:12

Kyrãrã pepenteĩpo ñaĩkui Tũpa hỹnonde ñanimbivache verã.

1 Corintios 1:11

Kyrã hai pee shyryvyre, shara Cloe henta'ĩrũre mbe'uashe, ĩme'ẽ pymbytepe ijakañoĩ'iare.

1 Corintios 4:2

Hãrã ĩme'ẽ japo verã me'ẽãshuarã, tyheshaka marãra katu jyrojahahe.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

2 Corintios 5:10

Shara opaitevapo ñaĩ Cristo hỹnonde, ñanimbivache verã, pepenteĩpo me'ẽãshukui hepykue ikoteri ko heteperã japo vekua, jaishu haikaviva maĩrã porãmbava.

1 Timoteo 4:14

Ñyngarekohe mbai rikatu rijapova Tũpa meẽ nde vekua, Jesús jy'tupao miñaka'iare ipo ñono neãrẽrã vekua. Espiritu Santo kyrã heishu retarã.

1 Timoteo 5:24

Ĩme'ẽ mbai porãmbava japo'ia, ndeiteri ma'ẽhã'ẽhẽrãvãĩ jykuaaheva, tẽvã ĩme'ẽjy mbai porãmbava iko marãmeĩ ajera heshahava.

1 Pedro 4:10

Tũpa meẽpe espiritu ryheva mbai kuaakue pijapo verã. Pipory kavi jyvehe yngavare Tũpa pyakavikue ẽvã rãĩmi.

1 Pedro 4:5

Tẽvã haire ñymbeupo Tũpape, ñymyhẽvã'õ mbivache verã ĩmeĩteri'iare hareka mano vekua retape.

Apocalipsis 20:12

Ahesha jyve opa mano vekuare, ndeiva hareka sanjaymba, ñymboy ñynoĩ reta Tũpa hỹnonde; haivi pe'aha kuatiare. Pe'aha jyve yngava kuatia, haiva kuatia tykove ryheva. Mano vekuare mbivachehakahe kuatiape mbyparahaheva rãĩmi.