Lucas 16:15 - NandevaBiblia

¹⁵ Hãrã Jesús heishu reta: Pee rãnga pere pindijehe heko kaviva kuaretare hỹnonde, tẽvã Tũpa kuaa'ẽ pyndypya; hareka kuimbaire mbytepe mbai vasuva rãĩmi rekohava, hokava hai mbai porãmba'eiteve vekua Tũpa hỹnonde.

Lucas 16:15 Iomraidhean Croise

Mateo 23:5

Hãrã haire opa mbai japovare kuaretare hesha verãĩ. Syvare ñono hareka jyvare, vakapi haikaviveva japymi Tũpa ĩñee; hareka mondevare pukuhe.

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Mateo 6:2

Hãrã rymbory ikotẽvẽvarã, avy mbeu'i oparupi. Japosea rãĩmi hova mokue'iare Judiore ñymbatyseape hareka vataha'õ retaipi; haire kyrã japo ijetaha kavihe verãre. She haima pee kyrã haire opama mbyhekoviashu reta.

Mateo 6:5

Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.

Lucas 10:29

Tẽvã Moisés mbypara vekua pyrỹmboi'ihea pota mbyhaikavi pyrãnduvarã heishu Jesús: Mbavara hai shapisha?

Lucas 11:39

Tẽvã Ñandeja heishu: Pee fariseore ĩãrẽĩ pijohe yy ho'uhapya hareka yyare; tẽvã pyndypya tynyhẽ manarõse hareka piniñarõkue.

Lucas 18:11

Fariseo ñymboy'õpe kyrã jurure: Tũpa, ameẽnde shy'ajetekue shara ha'ẽãshe yngavare kuaretare rãĩmi aikova: Manarõ'iva, heko porãmba, ynga pota ijya, hareka ha'ẽãshe ko kyrypoti mbatyse'iare Roma pevarã rãĩmiva.

Lucas 18:14

Hãrã she hai pee ko henta'õre mbyhepyva okora'ia ohojy hentape Tũpa hejareiimashia mbai porãmba vekua. Tẽvã fariseo kyrãã hai. Hãma ĩme'ẽ ha'eii vateve iñiñono'iarã, mbaimbava rãĩmipo japoha, tẽvã õñemomishĩĩvã, vatevepo ñonõha.

Lucas 18:21

Hokava kunumi hei: Opaite rãnga kovare ajapo shyndei airãvãĩ.

Lucas 18:9

Jesús mbeujyshu ko ñee ñymyhã'ãnga a'ãmore jyroja'i ijeheva pevarã, moãtẽ heko kavirã mymorã'i hapishare:

Lucas 20:20

Hãrã mondoshu reta kuimbai ñemiapeĩ mãĩ verã heko kavi rã'ãngava, sapy'aĩ ityshu verãre ĩñee rehe, haivi meẽ verã huvishavasu mbory'õre.

Lucas 20:47

Hãma ĩme manoshi vekua hoore heky jyreshi, hãrã ñemipy verãre puku rã'ãnga ñymboi reta. Kovare hetaveepo nupãhãkui.

Juan 2:25

Ikotẽvẽã mbe'uashu verã marãvã kuaretara, shara hai opamba kuaa kuaretare pyape'õ.

Juan 21:17

Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.

Hechos 1:18

Tẽvã hai oho ova yvy hoka kyrypoti mbai porãmba japo vekua mbyhepyapyshua hãrã vateivi oa ñãkã rokua yvyrerã, mbyteipi hye sororã opa ñymomohẽ ñymamba'ekuere.

Hechos 1:24

Haipe jurure retarã hei: “Sheja nde opa rikuaa typyare. Heshaka ore mbavara ko mokue'õre rypyhyrõva,

Hechos 15:8

Tũpa rãnga opa kuaa ñandypyape ẽvãre, hai haihu jyveshu haimba Judiore, meẽ jyveshu haire pevarã Espiritu Santo meẽ ñandea rãĩmi.

Romano 3:20

Shara ñee mbyparahava japoa verã rupii mba'ety ñymbyheko kavi verã Tũpa hỹnonde, shara ñee mbyparahava japoa verã rupii ñanymbykuahaka mbai porãmbape ñaĩme ñaĩrã.

Romano 8:27

Hãma Tũpa opa maĩ kavihea ñandypyape'õ, kuaa mbaivara Espiritu pota hei, shara Tũpa potava rãĩmi jurure'ĩãrẽ opaite jyrojava kyambare.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

1 Pedro 3:4

Katynga pymymashyãpo pyndypya ñemiãpe'õ mbai haikaviva ñymbaimba, espiritu pyryhaihuva hareka pyavapyva ryheva, hokava rãnga haikavi Tũpa hỹnonde.

1 Pedro 5:5

Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.