Lucas 16:13 - NandevaBiblia

¹³ Pente jokueharea katuã mokuere jokue'õ, shara heshatãpo pente, ĩrũĩpo haihushu; penteĩpo japoshu heiva, ĩrũpo japoãshu heiva. Kyrã jyve pee katuã Tũpare pẽĩva seveivãĩ pẽĩjyhe kyrypoti.

Lucas 16:13 Iomraidhean Croise

Mateo 4:10

Jesús heijyshu: Satanás, ekuashe koivi, Mbyparahavape rãnga hei: “Ñandeja nu Tũpa hỹnondepo rĩñesu, hareka ha'ẽĩpo rẽmombai vasu”.

Mateo 6:24

Mbavẽãpo ijokuekashu mõkue ija pyrokue'ia. Mỹmorããpo penteva, tẽvã ĩrũpo haihuve; maĩrã japoveposhu penteva heishuva, tẽvã ĩrũpo mymorãã. Hãrã katuããpo Tũpa jairojatẽheva, jahaihujy kyrypoti.

Lucas 11:23

Potamba ñimi'ĩru shyreheva oñemoĩ shyrehe; hãrã shymborymbava ãmynoverã timity, opa momohẽ.

Lucas 14:26

Ĩme'ẽ ou shykotyvarã, tẽvã haihuveva tuu, ishy, hyreko, tayre, tyvyre, hiindyre hareka ha'ei hykovetei, katuãpo ikoshi amboi'area.

Lucas 16:12

Hãrã haimba pã'ãpovare pyndyrojahããrã, mbavara meẽpope peii pa'ãpova?

Lucas 16:9

Hãrã hai pee: Pory kyrypoti ko hekopembaa ĩmeryreva rymbyheta verã rĩmi'ĩrũ verã. Haivi, kyrã opama pyhevi hokava kyrypotirã, Tũpa hareka jokuereare nymyvãhẽpo pente oo vate arape'õ opa ara pevarã.

Lucas 9:50

Tẽvã Jesús hei: Avy pijocha; shara kuareta ñymbyvaishombaa ñandyreheva ñandykoty ñynoĩ reta.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.