Lucas 15:28 - NandevaBiblia

²⁸ Hãma poshyite'irã ñatẽy iche. Haipe tuu õhẽ jurure'asyshu iche verã.

Lucas 15:28 Iomraidhean Croise

Mateo 20:11

Hãrã me'ẽãmashu mba'apoheare hepyrã, õñepyrõ ijeta porãã jyreshu koo ija.

Marcos 1:40

Pente kuimbai kuru porãmba'ia ou Jesús ẽvãpe, ĩñesu hỹnonderã heishu: Nde pota shymynguerarã, shymynguerapo.

Lucas 13:34

Jerusalén, Jerusalén, rijukariva Tũpa ĩñee mbeu'iare, hareka itape rijapireiva Tũpa mondotendevare! Mbovyjyra shykyrẽỹte ambaty nymembyre, uru memby mbatyva rãĩmi hỹpãpõka'ipe, tẽvã ndee ripotãã!

Lucas 15:2

Hãrã fariseo hareka Moisés mbypara vekua pyrỹmboi'iheare õñepyrõ ijeta porãã jyrehe hãrã hei reta: Ko kuimbai myvãhẽ heko porãmba'iare hareka karu hãndi.

Lucas 15:27

Jokuevare heishu: “Ndyryvy oujyrã rãnga nderu jukaka pente toro kyraveva mamba'ẽãte oujyrã”.

Lucas 15:29

Hai heishu tuu: “Heta ãñoma ãrỹmbory, ajapo ñoĩnde ñeẽ japoa verã, tẽvã mapemba rỹmetẽveshea pente kavara ray, avya verã shi'ĩrũre hãndi.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Lucas 5:30

Tẽvã Moisés mbypara vekua pyrỹmboi'iheare hareka fariseore ĩñee mombo jyrehe Jesús mboireare hãrã heishu reta: Mãrã'irãra pykaru hareka piñymbyu hãndi kyrypoti mbatyse'iare Roma pevarã, hareka mbai porãmba japo'iare hãndi?

Lucas 7:39

Fariseo jurureshu vekua Jesús oho karu verã heshama hokavarã hei pyape: “Ko kuimbai ãñete hai Tũpa ĩñee mbeu'iarã, kuaatẽ verã mãrãva tauperã poko'ẽhe, taupe heko porãmba rãnga hai”.

Hechos 13:45

Tẽvã Israelitare heshama hetaite kuareta ñymbatyvarã, oñepyrõ põrãa hei jyrehe Pablo hareka heheijyreshu.

Hechos 13:50

Tẽvã israelvare ijeta hãndi taupere hekokaviva hareka hyrãkuakavi'ia karaivasure hoka tentape'õre hãndi, ijeta hãndi huvisha tentape'õre jyvaishohe Pablo hareka Bernabé mohẽ verãre jy'yvyivi.

Hechos 14:19

Hãma Judiovare Antioquia hareka Iconiova kuaretare mbyposhykashu hareka mbyvaishokahe verã Pablo. Hãma itape Pablo japi reta hareka mõãte jykama retarã, mbytyryry nohẽ reta tentaivi.

Hechos 14:2

Tẽvã Judiore rojambaare mbyposhyka reta haimba Judiore hareka mbyvaishokahe Jesure jyrojavare.

Romano 10:19

Tẽvã hykuaĩ apyrãndujy: Ĩmera Israelvare kuãã reta? Tynondemba Moisés hei: Ãma'ẽĩpohe ñymorãã hãndi pente tenta haimba shyrenta ĩrũre, hareka apyrỹmbyposhykapo tenta kuaambare rupii.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

1 Tesalonicenses 2:16

hareka yryrejãã mbe'uhashu verã Ñee kaviva haimba Judiovare ohojepe verã reta jyve. Kyrã mbyhetave reta mbai porãmba japo vekuare. Tẽvã Tũpa jahemahe retarã javaitepokui.