Lucas 14:23 - NandevaBiblia

²³ Hãma pyrokue'õ heishu jokuehareirea: “Ekua vataha'õĩpi hareka pehupi tenta ñahẽmashia kyty hãrã ryheshavare miñerã tiche tynyhẽ'ẽ verã shero.

Lucas 14:23 Iomraidhean Croise

Mateo 21:43

Hãmẽãra hai pee, Tũpa huvisharã'õpe hekypo pyhevi hãrã yngavapepo meẽ, kuaretare mynõõva Tũpa huvisharã'õpe'õ ryheva.

Mateo 5:41

Ĩme'ẽ rahakandea mbyry katu mbai pohyvarã, mbyryve rahashu.

Lucas 14:22

Hãrã jokuehareirea oujymarã heijyshu: “Sheja, ajapoma nde reresheva, tẽvã hendateveteri'ẽ”.

Lucas 14:24

Hãrã hai pee mbavẽãpo tynõnde hẽnõhakavare, houkui pynturã she hau verã”.

Lucas 24:29

Tẽvã haire jochajyreshu: Pyta orẽndie kope, ka'aruitema rãnga hareka pyntumapo'i. Hãma iche pyta hãndi verãre.

Hechos 16:15

Hai ñymyngaraima henta ĩrũre hãndirã, jurure'asy orerã hei: Ãñeteĩte pyroja she airojava Ñandejarerã, pekua pypytave shyrẽtape. Irĩmiñerã'i yryrahapeve hentape.

Hechos 18:6

Tẽvã haire õñepyrõ ñymbyvaishohe hareka jahehe reta. Hãrã Pablo mỹtỹmo mondeva heshaha verãrã heishu reta: Ã'ẽ ñunupa oupo peãrẽ, tẽvã aikuaveamapo shekui. Hãrã ã'ẽ ahamapo haimba Judiovare mbytepe.

Hechos 28:28

Pikuaa kavipo ko Tũpa pyrỹmondojepeva mbe'uhama haimba Judio retape, hãrã haire hendu kavipo kova ñee!

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Romano 10:18

Tẽvã apyrãndu: Ĩmera'ẽ hendumbare Ñee kaviva? Hendu rãnga reta! Shara kuatia Mbyparahavape hei: “Haire ĩñee oparupi henduha ko yvy jerekue, yvy japyapeve vãhẽ haire mbeuva”.

2 Corintios 5:11

Kuaaha rãnga kyjehashi verã Tũpa, hãrã õñehã'ãha mbyrojahaka jyve kuaretare. Tũpa rãnga kuaa mbaivara'ore, hãrã ãhãrõ pikuaa verã jyve pypyape.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Colosenses 1:28

Ore rãnga mbe'uha Cristo ĩñee, pyrỹmbarakuaaha hareka ãrãndupe mbe'uhashu opavare, Cristo rãĩmi opa kavi pyndyreko kavi verã.

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.