Lucas 14:13 - NandevaBiblia

¹³ Haikavive rãngapo, karu vasu rijaporã, rỹhẽnokave pavete'iare, jyvambava, vatambavare, hareka heshamba kuvãĩpiare;

Lucas 14:13 Iomraidhean Croise

Mateo 15:30

Heta hai ẽvãpe ouva, raha reta japava, heshamba kũvãipia, vatambaa, ña'ẽnguva hareka ñymbairasy vekuare. Ñono reta Jesús hỹnonderã mynguerashu reta.

Mateo 22:10

Haipe jokuehareireare opa rupi jyraha mbaty heshavavive, heko kavi hareka porãmba opaite oho, kyrãĩ mynyhẽ reta oo.

Lucas 11:41

Hãma pymeẽ pã'ãpova mba'etyrea retape, hãrã ky'ãpo'ẽkui pyndypya.

Lucas 14:12

Hei jyve kuimbai hẽnohakavekuape: “Rijapo karu vasu, arape maĩrã pyharerã, avy hẽnoka ni'ĩrũ retape, maĩrã ndyryvyre, nyrẽtãrãre, maĩrã ndyvache'õre iko katuva mahẽ haire nyrẽnokarã, hareka kyrã mbyhepyjypy nde verã.

Lucas 14:14

hãrã ryvy'apo, shara haire mba'etyre mbyhekoviajypy nde verãre; shara opapo mbyhekoviajy ndekui heko kaviva puãjyma retarã”.

Lucas 14:21

Hãma oujy jokuehareirea, opa mbeushu jokue'õ. Hãma oo ija poshy hãrã mondo jokuereirea: “Narẽ'ãĩte ekua ko tentahupi, vataha õĩpi hareka pehupi, hareka eru kope pavete'iare, mba'erãveama'iare, porãmba vatavare, hareka kũvãĩpi heshaveamavare”.

Hechos 9:39

Hãma Pedro pũãrã, oho hãndi reta. Haipe vãhẽmarã, raha reta Tabita hetekue ẽvãpe hareka opaite ĩme manoshiare haipe ẽẽjyve, jaheo ñynoĩ hareka mbyheshaka mondeava hareka jaso'iavare Dorcas imeteri'irã japo vekua.

1 Timoteo 3:2

Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

Tito 1:8

Kyrãte verã, ñyngareko kavipohe ñumbuhupare, pyryraihupo, ñerãmbapepo iko, heko kavipo, ñymyngy'ãposhu Tũpa hareka ñyngarekopo ijehe.

Filemon 1:7

Avya ãĩ hareka shymykyrẽỹ jyhaihu ĩmeryreva, shara nde shyryvy pyape rỹmykyrẽỹjyshu reta Tũpa ryhevare.

Hebreos 13:2

Avy pyndysarehe pymyvãhe kavi verã ohovare pynyrẽntape, shara ĩmemba'ẽ kuambape myvãhẽva Tũpa jokuevare.