Lucas 13:11 - NandevaBiblia

¹¹ hãma haipe ẽẽ pente taupe 18 ãñoma mbai poshy mymbairasyva hareka japava hareka marãmba katu mysymyĩhajya.

Lucas 13:11 Iomraidhean Croise

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Marcos 9:21

Jesús pyrãndushu kunumi ray tuu: Mbaipevãĩra kova jehushu? Tuu hei: Ndei ryhevevãi rãnga kyrã'i.

Lucas 13:12

Jesús heshamarã, hẽno hareka heishu: “Taupe, poima ndyhevi nymbairasykue”.

Lucas 13:16

Tẽvã ko taupe Abraham ñymoñashia, Satanás pokua ñonoshu vekua 18 ãñoma mbairasykue ryheve. Hãmera õĩã poihakashi verã kova mbairasykue putu'uava jy'arape?

Lucas 21:28

Hãma kova mbai õñepyrõma ikorã, pimykyrẽỹ hareka pãka pumũpũ'ã, shara kõõima ou mbyhepya pyndyrehe pynynohẽajy verã.

Lucas 8:2

Kyrã mi'iru jyve heta taupere mbaiposhy mohẽ shi vekuare hareka mynguera vare mbairasyivi. Haire mbytepe ẽ Maria, Magdalena he'iashua, Jesús mohẽ shi vekua 7 mbaiposhyre.

Lucas 8:27

Jesús vejymarã vãhẽ oushu pente kuimbai hoka tentape õ, kurimba mbaiposhy ĩmereva. Ñimimonde jymba hareka ikojy mbava hentape, tã õvere õipi i.

Lucas 8:43

Haire mbytepe ẽ pente taupe japomava 12 ãño hasyva tuvy vasuivi, opama meẽva ĩmerea pajeva retape, tẽvã mbaveã katu mynguerashu.

Hechos 3:2

Haipe'i pente kuimbai oarãvãĩ vatamba, opa ara rahaha hareka ñonohã õche “Mashyãva” he'iashuape jururete'ishu kyrypoti opaite tũpaope ichevare.

Hechos 4:22

Hoka kuimbai kuera vekua mbai heshaha verã rupii, 40 ãñomare.