Lucas 12:48 - NandevaBiblia

⁴⁸ Jokueareva kuambavape mbai porãmba japova nupãha verã, saivepo nupãhã. Hãma hetave me'ẽãshuva, hetavepo jurureajyshu: Hareka hetave jyrojahahea, hetavepo jurureashu.

Lucas 12:48 Iomraidhean Croise

Mateo 13:12

Hãrã mbai ĩmereva, me'ẽãveposhu hareka hembyposhu; tẽvã mbai mba'etyreva, hekyaveposhi, mĩshĩĩ ĩmerevaivi.

Mateo 23:14

Hãrã pypavetepokui pyrỹmboi'ia hareka fariseore hapishatamba'iare! Pyheky piva ĩme manoshiare hoo haivi pymbyhasa verã puku rã ãngaĩ pirure. Hãrã pee pipity pokui ñunũpa pohyveva.

Lucas 12:41

Hãrã Pedro pyrãndushu Jesús: Yreja, ko ñee ñymyhã'ãnga ore pevarãĩra rereje, maĩrã opavare pevãrãra?

Lucas 12:49

Jesús hei: She ai aru aity tata ko yvy'ĩãrẽ, hãrã aipotama hendy ẽẽ.

Lucas 16:2

Hãma hẽnokarã heishu: “Mbaivarajy ko ahendu he'ia ndyreheva? Opa ñono she kuatiape rijapo vekua, shara katuveamapo rĩngarekohe shã'ãpovare”.

Juan 15:22

Hãma aĩã aijetashu retarã, haire mba'etytẽre verãre mbai porãmbava. Tẽvã ã'ẽ katuveama heky ijuhuvi reta mbai porãmba vekua.

Hechos 17:30

Tũpa hejareiimbashi aryka'e kuaretare kuaambape mbai japo vekua, tẽvã ã'ẽ opava retape hareka opa rupi'iare heishu oujy jykoty verãre.

1 Timoteo 1:11

Pyrỹmboiva rãĩmi Ñee kavi mbaikatuva Tũpa ña'ãpova, me'ẽhããshe vekua ambeu verã.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

1 Timoteo 6:20

Hãrã nde Timoteo, ñyngareko kavihe mbai hejahandeva. Avy hendu ñe'ẽkuereii haimba Tũpaivi ouva hareka mbaikuaakue añeteva rãĩmitẽ vekua, ijeta porãmbahea ñanymbo'eahevare hareka heivare ĩmereva añeteva,

Tito 1:3

Hãrã jy'arape kavipo pyrymbykuaaka ĩñee, Tũpa ñanymondojepe'ia heishe vekua ambeu verã.

Santiago 3:1

Shyryvyre, avy pymbytepe hetaite toĩ pyrỹmboi'iva. Pikuaa kavi rãnga pyrỹmboi'iare mbivacheha pohyitevepokuirã.