Lucas 12:33 - NandevaBiblia

³³ Pevende opaite ĩmepyreva, hãrã pymeẽ mãĩnũnga mba'etyreape; peñehããhẽ vosa soro mbava, jaishu, mbai hetava ara vate'õpe, manarõ'ia ichemba verãpe, hareka kupii houmba verãpe.

Lucas 12:33 Iomraidhean Croise

Mateo 19:21

Jesús heishu: Pota opa rijapo hekope kavirã, ekua opa ẽvende ĩmeryreare, meẽshu pavete'iare hãrã ĩmepo ryrekui opa mbai vate arapy, haivi ei shimi'ĩrũ.

Lucas 11:41

Hãma pymeẽ pã'ãpova mba'etyrea retape, hãrã ky'ãpo'ẽkui pyndypya.

Lucas 12:21

Kyrã rãnga jehushu hai pevarãĩ heta mbai mbaty'ia, tẽvã mba'ẽã ĩmere Tũpa hỹnonde.

Lucas 16:9

Hãrã hai pee: Pory kyrypoti ko hekopembaa ĩmeryreva rymbyheta verã rĩmi'ĩrũ verã. Haivi, kyrã opama pyhevi hokava kyrypotirã, Tũpa hareka jokuereare nymyvãhẽpo pente oo vate arape'õ opa ara pevarã.

Lucas 18:22

Jesús hendu hokavarã heishu: Pente mbai, mba'etyteri nde; opa evende ĩmeryreare haivi hepykue memeẽshu pavete'iare, hãmerãpo ripitykui rikokatu verãpe vate arapy. Haivi ei shimĩ'ĩrũ.

Juan 12:6

Tẽvã Judas ha'ẽã manduahe pavete'ia retarã, shara manarõserãmeĩ. Hai kyrypoti mbatyhava hyru ñyngareko'ihea, hareka ñomi'i mombohapyvarã.

Hechos 2:45

mbyhepymeẽjyre jy'yvyre hareka mbai ĩmereare, hepykue memeẽ ijupe reta ikotẽvẽva rãĩmi.

2 Corintios 8:2

Hasa'asytẽvare, vya reta; pavetetẽvare, haihumba ryheve meẽ reta kyrypoti, hetareva rãĩmi.