Lucas 12:31 - NandevaBiblia

³¹ Tẽvã pee pyheka jyve Tũpa ẽvãpe'õ, hãrã opaite kova mbai me'ẽãpo jyvepe.

Lucas 12:31 Iomraidhean Croise

Mateo 6:33

Haikaviveva rãnga pyheka tynonde Tũpa huvisharã'õpe'õ ryheva hareka hekope kavi'õ. Tũpa meẽpope opaite jy'arape mba'etypeva.

Lucas 10:42

tẽvã pente mbai haikavivaĩ. Hokava pyhỹrõma hai Maria, hãrã mba'etyjy hekyshi verã.

Lucas 12:30

Shara opaite kova mbai ojepy'apyhe kuareta ko yvy'ĩãrẽ'õre; tẽvã pee ĩmepyre Peru vate arapy'õ, opa kuava mbaivara pikotẽvẽhe.

Juan 6:27

Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.

Romano 8:31

Mbaivaverapo ja'e? Tũpa ẽẽ ñanendierã, mbavarapo ñymbyvaishojy ñandyrehe?

1 Timoteo 4:8

Ãñete rãnga ndyrete ñumungueva mbaivape haikaviñoĩ, tẽvã tykove mbijicheava Tũpa pevarã opavaretape haikavi, shara ĩmere ñee me'ẽãva tykove ã'ẽ pevarã hareka tykove ou verãpe.

Hebreos 13:5

Avy pejepy'apy hetavepyre verã kyrypoti, pyvy'a ĩmepyreare; shara Tũpa hei: “Hai'aĩtei neĩ aryreja verã”.