Lucas 12:19 - NandevaBiblia

¹⁹ Haipepo hai shyrykovepe: Nde shyrykove, heta mbai ĩmeryre nãtũava heta ãño pevãrã; putu'u, karu, ñymbyu, vy'a!

Lucas 12:19 Iomraidhean Croise

Lucas 12:18

Haivi hei: Aikuama ajapo verã: Opapo ambai oo shimĩtyre anatũseape, ajapojy verã tivishave'õ haipepo anatukui kova shimĩtyre hareka opaite ĩme areare.

Lucas 16:19

Ĩmemba'ẽ pente kuimbai iko katuva, mondeava hepyva monde'ia hareka opa'ara japova karu vasu.

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

1 Corintios 15:32

Aĩrãrõ hãndi kuimbai rãĩmi Éfesope mymba ñarõ vekua rãĩmiva, mbaivara ãmbijehupy hokava? Mano vekuare kuerajyvyarã, haikavive jajapo ã'ãmore heiva rãĩmi: Jakaru hareka ñaimby'u, paremapo opa ñamano.

Filipenses 3:19

Hokavare japyapepo jyvareahe retakui. Ñu tũpa ha'ĩĩ potaveshi reta, hareka japuhe reta notitẽ verãre. Yvy'ĩãrẽ õvaĩ pya mbijetahe reta.

1 Timoteo 5:6

Tẽvã taupe ĩme manoshia vya verãĩ pya mbijetaherã, manoma hykove ryheve.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

2 Timoteo 3:4

Mbytavypo hapishare, pya mbijetamba ryheve mbai japo, jyroja ijehe, Tũpa heiva japotẽ verã, ha'eire potavaĩ japove reta.

Santiago 5:5

Piko pente tykove ikokavivape ko yvy'ĩãrẽ, tykove pota pikova rãĩmi ryheve, pee rãnga vakare rãĩmi pimyngyra vãhẽserimatẽva ara jukaha verãpe.

1 Pedro 4:3

Yteñoma arykai vekua rãĩmipi jyrojambare japovape, porãmba jaipykuavape, mbai potakuepe, ka'u hareka karuvasu ñymyngyapyvare, hareka javaite õmombai reta ta'angarei vekuare.

Apocalipsis 18:7

Hai rãnga jyroja'ijehe hareka pya ohohe haikavivape iko verã; hãme ã'ẽ pymbyhasa'asyveshu hareka tijaheo. Shara hai pyape hei: “Kope avapy ãĩ huvisha vasu rãĩmi. Ha'ẽãshe ĩme manoshia hareka ahasa'asyãvãĩpojy”.