Lucas 11:2 - NandevaBiblia

² Jesús heishu reta: Pirurerã pere: “Sheru vate arapy rẽĩva, toñemombai ndyree. Tou rẽĩvãpe'õ ryheva. Tijijapo nde ripotava, ko yvy'ĩãrẽ vate arapy'õ rãĩmi.

Lucas 11:2 Iomraidhean Croise

Mateo 10:32

Ĩmerãẽva mbeuva kuaretare hỹnonde shyrehe jyrojava, ambeupo jyveshu Sheru vate arapy'õ hỹnonde.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

Lucas 11:1

Pente arape, Jesús oho ñymboi pente hendape. Opama ñymboirã mboirea penteva heishu: “Yreja, yrỹmboivehe marãrapo jurureha, Juan mboiva rãĩmi mboirea retape”.

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

Romano 8:15

Shara me'ẽhãpe espiritu pikojy verã jokuehareirea rãĩmi, pykyjeĩpijy verã. Kyrãtẽ verã, Espiritu japo pyndyhevi Tũpa tayre rãĩmi, hai rupii katu ja'eshu Tũpa: “Abba Teru!”

1 Corintios 1:3

Tũpa hareka Ñandeja Jesucristo tiñohẽ pyndyrehe mbai kavikue hareka pyavapy.

2 Corintios 1:2

Tũpa hareka Ñandeja Jesucristo, tymaĩkavi pyndyrehe hareka tymeẽpe pyavapy.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Efesios 1:2

She airureshu Tũpa, Ñanderu hareka Ñandeja Jesucristo, tymeẽpe pya kavikue hareka pyavapy.

Filipenses 1:2

Ñanderu Tũpa hareka jyve Teja Jesucristo tymeẽpe jyhaihukue hareka pyavapy.

Filipenses 4:20

Ñamombai vasushu opa ara Tũpa! Amén.

Colosenses 1:2

ambyparape ko kuatia shyryvyre Colosape'õre, Tũpa ña'ãpova pyhỹrõvare heko kyamba. Tũpa tiñono pyrehe mbai kavikue hareka tymeẽpe pyavapy.

1 Tesalonicenses 1:1

Ore, Pablo, Silvano hareka Timoteo, mbyparaha ko kuatia ñandyryvyre tũpao tenta Tesalonicape'õre penteapeĩ ñynoĩheva Tũpa Teru hareka Ñandeja Jesucristo. Tũpa tymeẽpe pyavapy hareka mbai kavikue.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 15:4

Mbavara kyjeãpo ndyhevi, Teja, hareka nemomba'ẽãpo shara ndeiirẽĩ ndyreko kyamba hãme opaite tenta vasure oupo hareka nemombaipo shara hekopekavi rĩpirĩmbivache.

Apocalipsis 19:6

Haivi ahendu vate arape kuareta ñymbaty'õre rãĩmiva, yyvasu mbyhy'apuva, hareka hỹnatu hy'apuva rãĩmi, heiva: “Aleluya! Õñepyrõma huvisha vasurã'ẽ hai ẽvãpe, Ñandeja opa ñymbaikatuva.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.