Lucas 11:13 - NandevaBiblia

¹³ Pee piniñarõva pikatu mbai haikavivãĩ pymeẽshua pyndyrayre, ñopyĩãra hai Peru vate arapy'õ meẽñoĩposhu Espiritu Santo jurureshua.

Lucas 11:13 Iomraidhean Croise

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

Mateo 5:45

kyrãrãpo iko pyndyhevi Peru tayre; hai rãnga mohẽ'ĩãrẽ kuarasy heko porãmba hareka heko kavivare. Hai rãnga mbyhaivihe heko kavivare hareka heko porãmbavare.

Mateo 6:14

Pee pyhejareiishi mbai porãmba japo pyndyrehevarã, Peru vate arapy'õ hejareiipo jyve pyndyhevi mbai porãmba pijapo vekua,

Mateo 6:30

Tũpa kyrãĩ mimonde ñana ñuupe puãva, parejyra hapyha tatape, tẽvã japoãrapo jyve pyndyrehe, pee kuareta sa'i jyrojava!

Mateo 6:32

Opaitea kovare ojepy'apy Tũpa rojambare, tẽvã pyreko pente Peru vate'õ, opa kuaava mbaivara pikotẽvẽ.

Mateo 7:11

Pee piniñarõva, mbai haikavivaĩ pymeẽshu pyndyrayre, ñopyĩara hai Peru vate arapy'õ, mbai haikavivapo meẽshu jurureshuare.

Lucas 11:12

Maĩrã jurureshu uru hipiarã, meẽraposhu vãkyrãpe?

Lucas 11:2

Jesús heishu reta: Pirurerã pere: “Sheru vate arapy rẽĩva, toñemombai ndyree. Tou rẽĩvãpe'õ ryheva. Tijijapo nde ripotava, ko yvy'ĩãrẽ vate arapy'õ rãĩmi.

Lucas 18:7

Hãmera Tũpa hepyãpojyve jyrojahea, jurureñoĩ'ishuare ara hareka pyharekue? Kỹỹrapo hãrõshu mbory verã?

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Romano 5:17

Kyrã pente kuimbai ñymbai porãmba rehe ñymano ẽẽ kuareta retare, tẽvã pente kuareta rupii, Jesucristo ẽẽpohe tykove myvãhẽvare Tũpa mbai meẽreiiva hareka mbai kavi me'ẽãreiva ñanymbyheko kaviva.

Romano 7:18

She aikuaa kavi shypyape hareka shyretepe mba'ety haikavivarã, potatẽ haikaviva ajapova, katuã ajapo.

Romano 8:32

Hai haihuããmba ñandyhevi Tay, hãma ma'ẽĩmbahe mano ñandyrehe, marãrapo me'ẽã jyve ñande Tay hãndi, opa mbai mba'ety ñandeva?

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.