Lucas 10:27 - NandevaBiblia

²⁷ Moisés mbypara vekua pyrỹmboi'ihea hei: “Haihu Ndeja nu Tũpa, ndypya ryheve, ndyrykove, nypyrãtãkue ryheve, hareka ñymbai kuaakue ryheve, hareka; haihu ndapisha nde rijyhaihuva rãĩmi”.

Lucas 10:27 Iomraidhean Croise

Mateo 19:19

Emombaishu nderu hareka ndesy, hãrã haihushu ndapisha rijyhaihuva rãĩmi.

Lucas 10:26

Jesús heishu: Mbaivara hei Moisés mbypara vekuape? Marãra rimbijetarã, rikuaa?

Romano 13:9

Shara ñee mbyparahavape hei: “Avy jyrekomatẽã ynga typokojyhe, avy puruka, avy manarõ, avy potarai ndapisha ña'ãpova”; tẽvã kovare hareka opaite ñeẽ japoa verãivi penteapeĩ ñonoha: “Haihu ndapisha nde rijyhaihuva rãĩmi”.

Galatas 5:13

Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

Hebreos 8:10

Hokava ara hasamarã, kova ñee me'ẽãva ajapo hãndi verã Israelvare, kyrãpokui, hei Teja: Shiñee mbyparahava ãñonopokui ñakapy hareka ambyparapokui pya retape. She ãĩposhukui ñu Tũparã hareka hai retapokui shyrẽta ĩrũre.

Santiago 2:8

Añeteĩte pijapo Moisés mbypara vekuarã, pijapokavipo Ñandeja ĩñee heiva rãĩmi: “Haihu ndapisha nde rijyhaihuva rãĩmi”.

1 Juan 3:18

Shyryvyre, avy ñandijurupeĩ japyryhaihu, añeteape rãngapo japyryhaihu mbai jajapova rupii.