Lucas 10:11 - NandevaBiblia

¹¹ “Yvy timbo pynyrẽntape'õ yrepyre oja vekua, mytỹmohãjy pyndyrehe. Tẽvã, pikuaapo kova, Tũpa ẽvãpe'õ ryheva ñymykõõĩma'ẽ pyndyhevi”.

Lucas 10:11 Iomraidhean Croise

Mateo 10:14

Hãrã pymyvãhẽseã, hareka pynyrẽndusearã, pẽhẽshi hoka oo, hareka tentamire'õĩvi, hãrã pepy pymytymoshi yvytimbokue.

Mateo 10:7

Pekua, hãrã pymbeu: “Huvisha vasu vate arapy'õ vãhẽserima ou”.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Marcos 6:11

Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.

Lucas 10:10

Tẽvã ĩme'ẽ tenta pehovape pymyvãhẽmbavarã, pẽhẽ vataha'õĩpi hareka pere:

Lucas 10:9

Ĩme'ẽ haipe ñymbairasyarã, pymynguera hareka pereshu reta: “Tũpa ẽvãpe'õ ryheva kõõma ẽẽ pyndyhevi”.

Lucas 9:5

Hãma ĩme'ẽ potamba pymyvãhẽvarã, pẽhẽ hoka tentaivi hareka pymytymoshi pepy ryheva yvy tĩmbo, mbe'uha verãre hẽndusembava Tũpa ĩñee.

Hechos 13:26

Shyryvyre, Abraham ñymõñashia hareka mbyryvare õmombaivasuva Tũpa, pã'ãpova rãnga ko ñee ohojepeva ryheva.

Hechos 13:40

Pimoãshi avy toa peãrẽkui Tũpa ĩñee mbeu'iare ñono vekua kuatiare:

Hechos 13:46

Tẽvã Pablo hareka Bernabé pyavasu ryheve ijetarã heishu reta: Pee Israelitarãni pynymbykuahatẽ verã ko Tũpa ĩñee, tẽvã potãã pypysyrã kova tykove opambava ryheva. Hãrã ã'ẽ ohoapo ñimiñẽ'ẽashu haimba Judiore.

Hechos 13:51

Hãrã Pablo hareka Bernabé mytymõhe reta ipyre'õ yvy timbo, hãrã jyraha Iconiope.

Romano 10:21

Tẽvã Israel rehe Isaías hei: “Opa ara shepo ãmondoshu pente tenta ñee hẽndumba hareka pya tãntava”.

Romano 10:8

Akuarã, marãra hei mbyparahava? “Mbyryã rãnga'ẽ ndyhevi ñee, ndijurupe hareka ndypyape”. Kova hai ñee jyrojakue ryheva mbe'uha'ia.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,