Lucas 1:76 - NandevaBiblia

⁷⁶ Hãma nde, shyray nymbyheeapo Tũpa ĩñee mbeu'ia vatevevape'õ; shara rehopo Ñandeja hỹnonderã, haperã rĩñono kavishu verã.

Lucas 1:76 Iomraidhean Croise

Mateo 14:5

Herodes pota jukareshu Juan. Tẽvã kuaretare kyjeshirãmimba japõã, shara haire heihe Juan haiva Tũpa ĩñee mbeu'ia.

Mateo 21:26

Hãrã kuaretare jaishurã, jakyje pũã ñandyrehe verã, shara haire roja Juan, Tũpa ĩñee mbeu'ia rãĩmi japoshu reta”.

Mateo 3:11

Añete yypeĩ apyrỹmyngarai pyhejama mbai porãmba pijapo vekuarã. Tẽvã shaykue ouva pynymyngaraipokui Espiritu Santo hareka tatape, hai mbai vasuve shyhevi, jypasaĩmba katu ajorashua.

Mateo 3:3

Juan, haimba arykai Tũpa ĩñee mbeu'ia Isaías ijetaherã kuatiape mbypararã vekua: Ñyhendu yvy ikoambaipi hỹnatu ijetava: “Pymyhẽvã Ñandeja haperã, pijaposhu pe symyĩ ohova”.

Marcos 11:32

Tẽvã jaishu: Kuaretare mbouvarã...” Tẽvã ñatẽy kyrã heishu reta, shara kyjeshi kuaretare moa puãhe retarã, shara opavare roja ãñetẽĩte Juan haiva Tũpa ĩñee mbeu'ia.

Lucas 1:32

Hai mbaivasupo hareka mbyheeaposhu Tũpa Tay vateve'õ; hãma Tũpa Teja japoposhi Mburuvisha vasu, tynondeshivare David rãĩmi.

Lucas 1:35

Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Juan 1:23

Juan heishu reta: She rãnga hai sapuke'ia yvy ikoambaipi: “Pymyhẽvãshu tape symyĩ ohova Ñandeja pevarã”, Tũpa ĩñee mbeu'ia Isaias heiva rãĩmi.

Juan 1:27

Hokava hai shaykue ouva, tẽvã mbaivasuve shyhevi. Jypasa ĩshaĩmba ẽshea ajorashu verã.

Juan 3:28

Peeteiva rãnga shyrẽndupi kyrã hairã, “she ha'ẽã Cristo, hỹnonderã mbouhavãĩ rãnga she”.

Hechos 16:17

Kova kuñataĩ ou iripii hareka Pablo, sapuke: Kova kuimbai reta rãnga hai Tũpa vate õ jokueva, haire mbeupe ohojepeva hape.