Lucas 1:6 - NandevaBiblia

⁶ Mokue ryheve heko kaviva Tũpa hỹnonde, hareka japo hekope kaviva ñeẽ japoa verã.

Lucas 1:6 Iomraidhean Croise

Lucas 1:7

Tẽvã hĩjapoã reta, shara Elizabet membymba ryheva, hareka mokue ryheve kuakuaamãrã.

Lucas 16:15

Hãrã Jesús heishu reta: Pee rãnga pere pindijehe heko kaviva kuaretare hỹnonde, tẽvã Tũpa kuaa'ẽ pyndypya; hareka kuimbaire mbytepe mbai vasuva rãĩmi rekohava, hokava hai mbai porãmba'eiteve vekua Tũpa hỹnonde.

Lucas 2:25

Hokava arape Jerusalénpe iko'i pente kuimbai heko kaviva Simeón he'iashua. Tũpa õmombaiva hareka harõ'iva Israel mupu'ãjy verã. Espiritu Santo ẽẽ hãndi.

Hechos 2:25

Mburuvisha vasu David, Jesure ijetarã hei: Aheshañoĩ are Ñandeja shynonderã, shara hai ẽẽ shakata kyty, hãrã mba'ety shirity verã.

Hechos 23:1

Pablo maĩ'ihe haipe huvisha ñymbaty'õ retarã hei: Shyryvyre, ã'ẽpeve aiko shãka vapy kavi ryheve Tũpa hỹnonde.

Hechos 24:16

Hãme rãnga ãñehãñoĩ añymbyheko kavi verã Tũpa hỹnonde hareka kuaretare.

Hechos 8:21

Nde mba'ẽã ĩmeryrende kovape, shara ndypya symyĩã Tũpa hỹnonde.

Romano 8:4

Hokava japoha hekopekavi iko ñandyrehe verã ñee mbyparahava, shara ñande jaikoveama ñandyrete porãmba potava rãĩmi, koñeĩ jaiko Espiritu potava rãĩmi.

1 Corintios 11:2

Shyryvyre shymbyvy'a shara pee pynymandua shyrehe hareka pijapo ñee apyrỹmboiheva.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

Filipenses 2:15

Iko pyndyhevi verã mbaimba heshahahea hareka jyrojamba ijeheva, Tũpa tayre rãĩmi kuareta ñarõva hareka mbai porãmba japo'iare mbyteipi, haipepo pinihimbipekui jasytata vate'õre rãĩmi.

Colosenses 1:22

Cristo mano rupii kuareta rãĩmi. Hokava japo, pyndyverujy verã hỹnonde heko kyambape, mbai porãmba pijapombape hareka mbaimba mbojaha pyndyrevape.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.

1 Juan 2:29

Pee pikuaa Jesús hykove kavivarã, pikuaapo jyve opaite japova mbaikavi oa Tũpaivi.

1 Juan 2:3

Haereka ñande jajapo Tũpa potavarã, katuma opa jajapo, shara jaikuaa kavi jaikuama jareshua.

1 Juan 3:7

Shyrayre, avy mbava pynymbytavy, opaite mbai hekope kavi japo'ia heko jyvachema, Jesucristo rãĩmi.